Maku 9:22 - Ritonõpo Omiry: A Bíblia Sagrada na língua Aparai do Brasil

²² Tuhke rokẽ apoto htaka tomapose nase joroko a. Nakuaka roropa tomapose aorihtohme repe. Ikurãkary waro awahtao umũkuru ikurãkako, yna pyno awahtao, tykase jorokohpã zumy Jezu a.

Maku 9:22 ပူးပေါင်းရင်းမြစ်များ

Mateu 14:31

Axĩ tomary ke Peturu tapoise Jezu a. — Yronymyryme pyra jenetupuhnõko mase. Oty katoh jenetupuhpyra make? tykase Jezu Peturu a.

Mateu 17:15

Ynara tykase ynororo Jezu a: — Ajohpãme sã umũkuru poko oenupunakohxo. Epuepukãko mana. Tuhke toepukase ynororo apoto htaka, tuna kuaka, enara.

Mateu 20:34

Mame toto pyno Jezu kynexine. Toto enuru apone. Axĩ tõsenuhmase ropa toto, tonurãmõpotõkara. Mame Jezu tokahmase eya xine.

Mateu 8:2

Mame imepỹ toytose tupũ motaryke eya. Tosekumuru po typorohse Jezu ẽpataka. Ynara tykase eya: — Jukurãkary se awahtao jukurãkary waro mase, tykase eya.

Mateu 9:28

Mame tapyi taka Jezu tomõse ahtao, mokaro toytose eya, tonurãkara. Ynara tykase Jezu eya xine: — Okurãkary ropa waro hmatohu ya? Jenetupuhnõko matohu? tykase Jezu eya xine. — Ỹ, zuaro ynanase, yna kurãkary waro mase. Enetupuhnõko ynanase, tykase toto eya.

Maku 5:19

— Arypyra. Atapyĩ taka rokẽ ytoko ropa. Oepe tõ maro oturuta. Kure ke oturuko okurãkatopõpyry ropa poko, opyno jexiry poko roropa, ypoetoryme oexiry poko, enara, tykase Jezu eya.

Maku 9:21

— Pake serara nah? tykase Jezu kurãkara zumy a. — Pake moino ro nase serara, pitiko ro tahtao.

Maku 9:23

Ynara tykase Jezu eya: — Enetuputyryhtao oya emero riry waro ase Ritonõpo poe. Wenetupuhko pahne, tykase Jezu jorokohpã zumy a.

Ruka 7:13

Morarame mokaro eneryke tyya sam tykase Jezu tukurohtao. Toenupunase roropa ynororo pytỹpo poko. Ynara tykase eya: — Xitara exiko, tykase eya Jezu.