Maku 7:34 - Ritonõpo Omiry: A Bíblia Sagrada na língua Aparai do Brasil

³⁴ Mame kakoxi tõsenuhmase ynororo. Pusuh tykase, ynara tykase ynororo kurãkara a: — Etapuruhmakako, tykase eya.

Maku 7:34 ပူးပေါင်းရင်းမြစ်များ

Exutu 2:23

Imeĩpo Ejitu tuisary toorihse. Yrome Izyraeu tõ etuarimãko ro, pusuh ãko toh kynexine. Topehke pyra toerohse toto Ejitu tõ tuisary poetoryme. Tyxitase toto, takorehmanekõ ekaroporyme Ritonõpo a.

Izaja 53:3

‘Ahno kahpyry mokyro, surumekatone,’ tykase toto ipoko. ‘Toetuarimase ynororo, sam kakehpyra nexiase, yrome toanahtose eya toemynyhmaryme.’ Aytory tonese ahtao kyya xine toeramase rokẽ sexiatose enery se pyra kuexirykõke. ‘Ahno kahpyryme rokẽ mokyro,’ sekaroatose. ‘Kure mokyro mana,’ kara sexiatose.

Maku 1:41

Mame nupunato mokyro eneryke tyya tapose tomary ke.

Maku 15:34

Morarame opore Jezu tykohtase. Ynara tykase ynororo: — Eroi, Eroi, rema sapahtani, tykase. Tõmiry ae morara kary ynara katopo: “Ritonõpo, Ritonõpo oty katohme kurumekano?” katopo.

Maku 5:41

Morarame emary tapoise Jezu a. — Tarita kumi, tykase ynororo aomiry ae. “Orymo, owõko ty,” katopo.

Maku 6:41

Mame wyi tapoise tyya ahtao kana maro, kakoxi tõsenuhmase ynororo: — Kure mase, Papa, tykase ynororo. Moromeĩpo wyi tytohtohkase eya typoetory tomo a ekarotohme imoihmãkomo a ekarotohme. Kana roropa tapiakase eya emero toto zopatohme.

Maku 7:35

Mame otato toehse ropa kuranõpokara. Pusopusome pyra roropa aomiry toehse. Tõmire toehse ynororo.

Maku 8:12

Yrome Jezu typoihtose eya xine. Morara exiryke pusuh tykase ynororo moe toko. Ynara tykase ynororo: — Unukurãkatary enery se matose repe, yrome onenepopyra ase oya xine, tykase Jezu eya xine.

Ruka 18:42

Ynara tykase Jezu eya: — Osenuhmako ropa. Tonetupuhse jexiryke oya tukurãkase ropa mase, tykase.

Ruka 19:41

Mame ameke pyra Jerusarẽ toehse ahtao pata tonese Jezu a. Eneryke tyxitase epõkõ poko, tuhkãkõ Jerusarẽ põkõ Ritonõpo omipona pyra exiryke.

Ruka 7:14

Morarame toytose ynororo, ekepyry ẽ apose. Mame aronanõ totypohse ahtao ynara tykase Jezu, aorikyhpyry a: — Aimo owõko ty, tykase eya.

João 11:33

Mokyro xitary eneryke tyya, sam tykase Jezu tãtasamase tukurohtao. Juteu tõ xitary etaryke roropa tyya sam tykase ynororo yronymyryme tukurohtao.

João 11:35

Tyxitase Jezu.

João 11:38

Sam tykase Jezu tãtasamase yronymyryme. Morarame toytose ynororo aorikyhpyry ekepyry esaka. Ypy onuhtoh po kynexine okepy eny. Apuru kynexine topu risemy.

João 11:41

Morarame apuru tysyryhmase toto a. Morarame kakoxi tõsenuhmase Jezu. Ynara tykase ynororo: — Kure mase Papa Kapuaono. Tãkye ase jomiry etaryke oya.

João 11:43

Morara kaxĩpo opore kynomitane Jezu: — Razaru, osehko moro tae xiaro, tykase Jezu aorikyhpyry a.

João 17:1

Morarame tõturukehse tahtao, kakoxi Jezu tõsenuhmase. Ynara tykase ynororo: — Papa, seromaroro jorihtoh po toehse nase. Ime jexiry enepoko imehnomo a. Morarame kuakorehmako ime oexiry enepotohme imehnomo a.

Atos 9:34

Morarame Peturu tõturuse eya: — Eneja, Jezu Kyrixtu okurãkãko ropa mana. Owõko ropa oetueh tapoe, tykase ynororo eya. Axĩ toekurãkase ropa ynororo.

Atos 9:40

— Ytotoko ropa sero tae mõ taka, tykase Peturu pytỹpo tomo a. Mame tosekumuru po typorohse ynororo tõturutohme Ritonõpo a. Okepy ẽpataka toeramase Peturu. Ynara tykase ynororo: — Tapita owõko, tykase ynororo. Tõsemãse ropa aorikyhpyry. Pĩpokah tykase ropa ynororo. Mame Peturu eneryke tyya sokohme towõse ropa.

Epereu 4:15

Ritonõpo maro oturuketõ tuisaryme mokyro mana, kuakorehmanekomo. Jamihme pyra kuehtohkõ waro mana ipunaka, kysã xine tukuhse toexiryke joroko tamuru a iirypyryme tyritohme repe. Yrome iirypyryme pyra kynexine ipunaka.