Maku 7:17 - Ritonõpo Omiry: A Bíblia Sagrada na língua Aparai do Brasil

¹⁷ Mame ahno turumekase ropa eya. Mame tapyi taka tomõse ahtao, ipoetory tõ tõturupose Jezu a tamorepatopõpyrykõ poko.

Maku 7:17 ပူးပေါင်းရင်းမြစ်များ

Mateu 13:10

Morarame ipoetory tõ toytose Jezu a ekaropose: — Oty katoh mokaro amorepãko ma osenetupuhpỹ ke, tupimã ke? tykase toto, tõturupose.

Mateu 13:36

Morarame imoihmãkõ turumekase Jezu a. Tomõse tapyi taka. Mame ipoetory tõ toytose eya, oturupose. — Otara katoh koh moro ãtaryka poko moturuno? Moro tupito poko yna amorepako ropa, tykase toto Jezu a.

Mateu 15:15

Ynara tykase Peturu: — Yna amorepako ropa moro poko, anamorepatopõpyry poko, tykase.

Maku 2:1

Morotoino toytose ropa Jezu Kapanaũ pona. Mame imehnõ tõturuse ipoko. Ynara tykase toto: — Tooehse ropa Jezu mana tytapyĩ taka, tykase toto ipoko.

Maku 3:20

Morarame Jezu toytose ropa ahtao tytapyĩ taka tuhke ahno moroto kynexine tõximõse. Morara exiryke otuhpyra kynexine ynororo.

Maku 4:10

Moromeĩpo ipoetory tõ tõturupose Jezu a ahno amereh tykase ahtao. Ynara tykase toto: — Oty poko hkoh moturuno ynanetaryme? Onenetupuhpyrahme sã ynanakene, tykase toto, tõturupose.

Maku 4:34

Imoihmãkõ maro tahtao enetupuhtoh rokẽ tokarose eya. Mame typoetory maro tahtao enetupuhtoh poko tutuarõmase ropa toto.

Maku 7:16

(Ãmoreparykõ waro se awahtao xine, otato ehtoko, tykase ynororo eya xine.)

Maku 7:18

Mame tozuhse toto eya: — Amarokõ roropa onenetupuhpyra matou? Etatoko pahne, emero otyro enapyryhtao oya xine iirypyryme onyripopyra mana.

Maku 9:28

Morarame tapyi taka tomõse ahtao, ipoetory tõ tõturupose Jezu a: — Oty katohme joroko tũtara kynako yna omipohna? tykase toto Jezu a.