Maku 5:6 - Ritonõpo Omiry: A Bíblia Sagrada na língua Aparai do Brasil

⁶ Morarame Jezu eneryke tyya, moe ahtao ro tururume toytose ynororo eya. Tosekumuru po typorohse ynororo Jezu ẽpataka.

Maku 5:6 ပူးပေါင်းရင်းမြစ်များ

Saumu 66:3

Ynara kahtoko eya: “Onyrityã pokoino osenuruhkãko ynanase! Ajamitunuru imehnõ jamitunuru motye exiryke, emero ozehno exiketõ tosekumuru po porohnõko mã toto oẽpataka.

Saumu 72:9

Ahno tõ ona tonorẽ põkõ tosekumuru po porohnõko mã toto ẽpataka, epetõkara roropa porohnõko mã toto tosekumurukõ po tõmytykõ nono pokoxi mokyro ẽpataka.

Maku 5:5

Nyhpyra ehse ynororo. Okepỹpo tõ zonẽtopõpyry rãnaka ytoytose ynororo somohmã poro. Kui kakehpyra ehse, topu ke tõtokotokose roropa ynororo.

Maku 5:7

Opore ynara tykase: — Oty se hma, Jezu, ya? Ritonõpo Kapuaõ mũkuru mase, Imehxo Exikety mũkuru. Ajohpãme sã josanumara ke exiko, tykase ynororo opore.

Ruka 4:41

Joroko tõ roropa tutũtanohpose ropa eya mokaro ae. Mame joroko tõ tykohtase tutũtarykõme. Ynara tykase toto: — Ritonõpo mũkurume mase, tykase toto, Jezu waro toexirykõke, Ritonõpo nymenekahpyryme. Morara exiryke tymynyhpãkapose toto Jezu a Ritonõpo mũkurume toehtoh ekarory se pyra eya xine toexiryke.

Atos 16:17

Pauru tõ tokahmase eya. Ynara tykase ynororo opore: — Moxiã nase Ritonõpo poetoryme, Imehxo Exikety poetoryme. Kuamorepatorỹko toto Ritonõpo omipona kuehtohkõme, tykase joroko poe ynororo.

Tiaku 2:19

Toiro Ritonõpo mana. Moro enetuputyryke oya xine Ritonõpo poetoryme osekarõko matose repe. Yrome joroko tõ roropa moro enetupuhnõko Ritonõpo kure exiry poko. Oserehnõko mã toto, ekurãkara tokurehse toexirykõke.