Maku 5:23 - Ritonõpo Omiry: A Bíblia Sagrada na língua Aparai do Brasil

²³ — Tuisa, kuakorehmako ajohpãme samo. Jẽxiry orihnõko mana. Ymaro eropa ajohpãme samo. Oemary tyrikose epona aekurãkatohme ropa, orihpyra aehtohme, tykase ynororo eya.

Maku 5:23 ပူးပေါင်းရင်းမြစ်များ

2 Tuisa 5:11

Yrome morara kary etaryke tyya tyenonohse Naamã ipunaka. Toeramase ynororo toytotohme ropa tosaka. Ynara tykase ynororo typoetory tõ netaryme: — Jenese oehpyra kynako. Oturupyra ynororo tosemy Ritonõpo a ukurãkatoh poko, tomary ke upũ anapopyra kynako jukurãkatohme.

Saumu 107:19

Mame toetuarimarykohtao tykohtase toto Ritonõpo a takorehmatohkõme, mame Ritonõpo Kuesẽkomo a typynanohse ropa toto aetuarimatohkõ winoino.

Saumu 50:15

Kykohmako popyra ehtoh toehse ahtao, opynanohnõko ase, mame jeahmãko mase.”

Mateu 8:3

Mame tomary ke Jezu a tapose. — Ỹ, okurãkary se ropa ase. Kure exiko ropa, tykase eya. Mame axĩ mokyro pũ totyhse ropa.

Maku 16:18

Okoi tõ apoiryhtao eya xine toto onesekara mana. Orihmatõ enyryhtao eya xine orihpyra toh mana. Tomary ke kurãkõkara apõko toto aekurãkatohme ropa.

Maku 5:24

Mame imaro toytose Jezu. Yrome ahno imoihmãkõ Jezu maro toytose. Ytopyra sã kynexine tuhke ahno exiryke.

Maku 6:13

Joroko tõ tutũtanohpose roropa eya xine tuhke. Kurãkõkara tukurãkase roropa eya xine. Zupuhpyrykõ pona oriu tyrise eya xine toto kurãkatohme ropa.

Maku 7:32

Mame Jezu a typanarẽkara tonehse imehnomo a. Pusopusome roropa kynexine: — Mose apoko ajohpãme samo, aekurãkatohme ropa, tykase toto Jezu a.

Maku 8:23

Mame Jezu a kurãkara tarose ameke emary poko pata ehpikoxi. Ituh tykase ynororo enuru pona. Mame enuru tapose eya: — Osenuhmãko ma? tykase, tokaropose eya.

Ruka 13:13

Mame Jezu a tomary ke tapose ahtao, axĩ xikihme toehse ropa ynororo. Mame: — Kure mase, Ritonõpo, tykase ynororo, tukurãkase ropa toexiryke.

Ruka 4:38

Morotoino atamorepatoh tae toytose ropa Jezu Ximão tapyĩ taka. Ximão merenoty oxirohnõko kynexine itamurume. Mokyro kure pyra exiry tokarose Jezu a imarõkomo a. — Mokyro ikurãkako ropa, tykase toto.

Ruka 4:40

Morarame kokonie pukuro imehnomo a tope tõ tonehse, kurãkõkara tonehse ikurãkatohme ropa Jezu a. Mame tomary tyrise toto pona ahtao, emero tukurãkase ropa toto eya.

Ruka 7:12

Mame pata omõtoh taka tooehse tahtao xine ekepyry aronanõ tonese eya xine. Pytỹpo mũkuru kynexine aorikyhpyry, toirõ kynexine imũkuru. Mame tuhke pata põkõ mokyro maro toehse, pytỹpo maro zonemyry enese.

João 11:3

Morara exiryke Jezu a tõmihpyry rokẽ taropose. — Oepe reh mã takuruhtase, katoh taropose eya tõmiry.

Atos 28:8

Mokyro zũ kure pyra nexiase, oxirohnõko, pixihtãko, enara. Mokyro enese Pauru nomomyase inyhtoh taka. Mame Ritonõpo a noturuase. Zuhpokoxi tomary tyrise eya; axĩ nekurãkase ropa.

Atos 6:6

Mokaro tooehse Peturu tõ ẽpataka. Morarame tõtururukohtao Ritonõpo a tomarykõ tyrise zuhpokoxi xine.

Atos 8:17

Morarame tomarykõ tyrise ahtao eya xine morotõkõ zuhpokoxi, Tuzenu tokarose Ritonõpo a eya xine rahkene.

Atos 9:12

Mokyro mã Ritonõpo maro oturũko. Oenẽko roropa mana tõsenety. Oytory enẽko oemary rise epona aosenuhmatohme ropa, tykase sã Jezu eya.

Atos 9:17

Morarame Anania toytose Juta tapyĩ taka, Sauru enese. Epona tomary tyrise eya. — Jepe Sauru, Jezu nosenepoase oya osema ae ooepyryhtao. Mokyro jenehpõ oya õsenuhmatohme ropa, Ritonõpo Zuzenu ekarotohme oya, tykase Anania.