Maku 3:5 - Ritonõpo Omiry: A Bíblia Sagrada na língua Aparai do Brasil

⁵ Mame tãkye pyra Jezu tõsenuhmase. Tomyẽkõ tonese eya. Tohne toehse kynexine toemynyhmaryme otato pyra toto exiryke. Mame kurãkara a ynara tykase ynororo: — Oemary anỹko, tykase. Mame tãtaporamase ynororo. Emary osepune toehse ropa.

Maku 3:5 ပူးပေါင်းရင်းမြစ်များ

Jenexi 6:6

tãtasamase Ritonõpo kynexine ahno ritopõpyry poko tyya. Toemynyhmase ynororo,

1 Tuisa 13:6

Mame tuisa Jeropoão ynara tykase urutono a: — Ajohpãme sã ypoko oturuko Ritonõpo Oesemy a, jemary kurãkatohme ropa, tykase. Naeroro aomi poe tõturuse ynororo Ritonõpo a, mame tuisa emary tukurãkase ropa.

Neemia 13:8

Tyekĩtapãse ywy moro eneryke ya, Topia mõkomory emero tomase ya jarãnaka.

Saumu 95:10

Morara exiryke 40me jeimamyry mokaro zehno toehse exine. Ynara akene: ‘Azahkuru rokẽ mokaro osenetupuhnõko mana. Jomipona pyra ekurehnõko mã toto,’ akene.

Mateu 12:13

Mame ynara tykase ynororo kurãkara a: — Oemary itopohmako, tykase. Mame tomary tytopohmase kurãkara a. Axĩ kure toehse ropa osetatoro.

Maku 3:4

Mame tonenanomo a ynara tykase ynororo: — Oty kurehxo oya xine oserematoh ae nae? Kure ehtopo? Popyra ehtopo? Oty oya xine kurehxo oserematoh ae nae? Kurãkara kurãkatoh ropa? Imepỹ etapatopo? Oty pake tyripose oserematoh ae Moeze a Ritonõpo omi poe? tykase Jezu, tõturupose eya xine. Yrome onezuhpyra toh kynexine.

Ruka 13:15

Mame ynara tykase Jezu eya: — Oty katohme popyra oya xine nohpo kurãkary ropa nae oserematoh ae? Ajoajohpe rokẽ matose. Yrome amarokõ otãtome oekykõ myhpokãko matou oserematoh ae, pui, kawaru roropa, tuna pona toto arotohme, auhpatohkõme oya xine?

Ruka 17:14

Ynara tykase Jezu eya xine: — Ỹ, nupunato oenetorỹko ase. Ytotoko Ritonõpo maro oturuketomo a. Osenepotatoko eya xine, okurãkatopõpyrykõ enetupuhtohme eya xine, tykase Jezu ipũ imotatyamo a. Morarame toytorykohtao, kure toehse ropa toto, ipũ imoimotahpyry pyra.

Ruka 6:10

Morarame tỹkakoxi tõsenuhmase Jezu. Ynara tykase ynororo aosemahmirihmahpyry a: — Oemary enuhmako xiaro, tykase eya. Morarame tãtaporamase eya. Kure ropa toehse ynororo.

João 9:7

Ynara tykase eya: — Ytoko. Osẽkurikata Xiroe kuaka, ariamã kuaka, tykase. (Aomiry ae, “Xiroe” kary, “Tonyohse” katopo.) Morarame toytose ynororo. Mame tosẽkurikase. Mame tooehse ropa ynororo kure osenuhmãko ropa rahkene.

Romanos 11:25

Wekyry tomo, Ritonõpo osenetupuhtopõpyry tokare pyra kynexine aporo. Yrome seromaroro tokare toehse rahkene. Naeroro ase aosenetupuhtopõpyry ekarõko oya xine, zuaro oehtohkõme. Ynara mana, axĩtao rokẽ Ritonõpo enetuputyry se pyra juteu tõ exĩko mana. Juteutõkara pynanopyry poko, “Epo,” tykase Ritonõpo ahtao, Kyrixtu tonetupuhse ahtao toto a, morara toehse ahtao enetuputyry se exĩko ropa juteu tõ mana. Morohne poko ourutorỹko ase: “Kymarokõ rokẽ tymenekase Ritonõpo a, typoetoryme,” kara oehtohkõme.

2 Korĩtiu 3:14

Aosenetupuhtohkõ tapuruse sã roropa kynexine. Aosenetupuhtohkõ tapuruse ro seromaroro Ritonõpo nymeropohpyry sekeremaryhtao eya xine, pake toehtopõpyrykõ saaro. Onenetupuhpyra toh mana. Kyrixtu maro toehse kuahtao xine rokẽ kuosenetupuhtohkõ apuruhpyry sã pyra exĩko ropa mana.

Epezu 4:18

Tuaro pyra toto ipunaka. Koko ytoytoketõ sã ytoytõko toto. Isene pyra toto Ritonõpo poe tuaro pyra toexirykõke. Typenetatohkõ poko se rokẽ toto.

Epezu 4:26

Imepỹ zehno toehse awahtao xine tomeseke ehtoko, oorypyrykõ poko oexirykõino. Imepỹ zehno toehse awahtao xine, axĩ kure ehtoko ropa imaro, nyhpyra ro awahtao xine.

Epezu 4:30

Mame Ritonõpo Zuzenu Kurã anasamapopyra ehtoko. Ritonõpo nekarohpyryme mã oya xine Zuzenu. Typoetoryme oenetupuhpotorỹko mana imehnomo a. Imeĩpo tymyhpokase ropa sã exĩko matose. Moro poko otuarõtanohtorỹko mana.

Epereu 3:10

Morara exiryke 40me jeimamyry mokaro zehno toehse ywy. Ynara akene: ‘Azahkuru rokẽ mokaro osenetupuhnõko mana. Jomipona pyra ekurehnõko mã toto,’ akene toto poko.

Epereu 3:17

Onokãkomo a Ritonõpo zetũ tanỹse 40me jeimamyry? Arypyra. Iirypyrymãkomo a jetũ tanỹse. Naeroro toorihse toto ona po, ahno esao pyra.

Epereu 5:9

Morarame toetuarimatopõpyryke kypynanohnekõme toehse ynororo. Jũme typynanohse sytatose eya tõmipona toehse kuexirykõke.

Apokaripxi 6:16

Kui tykase toto. Tykohtase toto ypy tõ netaryme topu tõ netaryme roropa: — Epukako yna pona yna zonẽtohme, yna onenepyra Ritonõpo ehtohme, tapõ pona iporotyhpyry yna onenepyra aehtohme, yna zehno pyra kaneru mũkuru ehtohme roropa.

Juize 10:16

Mame tyneponãmarykõ typahse eya xine. Moromeĩpo Ritonõpo toahmase eya xine Tosẽkõme. Morara exiryke toto pyno toehse ropa ynororo toto etuarimary eneryke tyya.

1 Samueu 20:34

Mame towõse Jonata meza poe. Tyekĩtapãse ynororo yronymyryme. Moro ae otuhpyra toehse ynororo, ẽmepyry asakoromano Oseahmatoh Nuno Kasenato ae. Toemynyhmase ynororo, tumy ajoajohpe exiryke, Tawi etapary se exiryke.