Maku 3:23 - Ritonõpo Omiry: A Bíblia Sagrada na língua Aparai do Brasil

²³ Morarame Jezu a imoihmãkõ tykohmase tyya, toto amorepatohme. Ynara tykase ynororo eya xine: — Otãtohxo joroko tõ na etũtanohpõko ropa nah oxime? Imepỹ joroko onutũtanohposaromepyra imepỹ joroko mana ynarohnõme toexirykõke.

Maku 3:23 ပူးပေါင်းရင်းမြစ်များ

Saumu 49:4

Atamorepãko ase omi tuaro ehtoh poko, ipoko amorepãko ase, ykyryry rue ynetoryke.

Mateu 13:3

Mame Ritonõpo enetupuhtohme tamorepase toto eya itamurume. Ynara tykase ynororo eya xine: — Tupito arykase toytose orutua.

Mateu 13:34

Morarame tupimã ke rokẽ imoihmãkõ tamorepase Jezu a. Toto esẽme Ritonõpo exiry poko tamorepase toto eya. Ynara sã oesẽkõme Ritonõpo enetuputyryhtao oya xine, kakehpyra roropa Jezu kynexine toto a.

Mateu 4:10

Yrome ynara tykase Jezu: — Ytoko ropa taroino. Kurumekako joroko tamuru, ynara tymerose exiryke Ritonõpo omiryme: “Ywy rokẽ kure kyritoko, oesẽkõme jexiryke. Jomipona rokẽ ehtoko,” ãko Ritonõpo omiry, tykase Jezu joroko tamuru a.

Maku 12:1

Morarame Ritonõpo namorepatoh poko tõturuse ropa ynororo. Ynara tykase ynororo: — Imepỹ orutua a otyro tarykase eya, uwa tomo, tupito pona. Mame tapuruse tupito eya. Nono tahkase eya pẽkame uwa euhkatoh ritohme tyya. Tapyi tamose roropa eya kaetoko, emero enetohme. Morarame tutupi emero tokarose eya erohketomo a.

Maku 3:24

Morararo pata tamuru põkõ oseosetaparyhtao, osenahkãko rokẽ mã toto.

Maku 4:11

— Arypyra, Ritonõpo omiry poko oturũko akene oya xine, Ritonõpo enetupuhtohme oya xine oesẽkõme. Ynekarohpyry tupime mã onenetupuhpynomo a.

Maku 4:2

Moroto ahno tuhke tuna ehpio. Mame Ritonõpo omiry enetupuhtoh poko tamorepase toto eya. Ynara tykase ynororo: