Maku 3:21 - Ritonõpo Omiry: A Bíblia Sagrada na língua Aparai do Brasil

²¹ Mame morara aexiry totase jekyry tomo a. Morara exiryke tooehse toto morotona Jezu poko. — Otarãme rowotãko mana, tykase toto ipoko repe.

Maku 3:21 ပူးပေါင်းရင်းမြစ်များ

2 Tuisa 9:11

Mokaro soutatu tõ esamo a tooehse ropa Jeu ahtao, tõturupose toto a: — Emero kure repe? Oty se kynako oya mokyro rowohpano? tykase toto. — Zuaro matose ise aexiry, tykase Jeu.

Jeremia 29:26

“Ritonõpo Kuesẽkõ oriase oturuketyme, Joiata myakãme. Seromaroro tuisame mase Ritonõpo Tapyĩ poko erohketõ tuisaryme porehme. Naeroro oerohtoh nase rowohpe exiketõ apoipory, urutõme osekarokety ahtao imyhtohme keti ke, osenao kurimene risẽ maro ipymyry pokona.

Ozeja 9:7

Ẽmepyry oehnõko mana awãnohtohkõme, morara ahtao typoetory tõ wãnohnõko Ritonõpo mana. Moro toehse ahtao Izyraeu tõ zuaro exĩko mã toto! Yrome amarokõ ynara ãko: “Mose urutõ rowohpe mana! Ritonõpo poe osekarõko repe, yrome rowohpe mana!” Moro sã oturũko matose iirypyryme oexirykõke, naeroro yzehno, yse pyra roropa matose.

Maku 3:31

Morarame Jezu ẽ tooehse zakorõ tõ maro. Jezu maro tõtururu se toh kynexine repe. Yrome omõpyra toh kynexine tapyi taka. Jarãnao rokẽ toh kynexine.

João 10:20

— Jorokohpe nase mose. Otarãme rowohpe nase roropa. Oty katoh aomiry etãko matou? tykase toto, imoihmãkomo.

Atos 26:24

Morara karyke Pauru a, ynara tykase Pexitu opore Pauru a: — Pauru, rowohpe mase. Tuhke tãtamorepase oexiryke, tykase Pexitu eya.

2 Korĩtiu 5:13

Rowohpe yna ekarõko toitoine mã repe. Yrome rowohpe yna ahtao ro Ritonõpo omipona ro ynanase. Mame imehnõ ynara ãko yna poko: “Tuarohxo mã toto imehnõ enekunopyry poko,” ãko repe. Yrome kure oritohkõme erohnõko ynanase ãmoreparykõ poko.