Maku 3:2 - Ritonõpo Omiry: A Bíblia Sagrada na língua Aparai do Brasil

² Morarame parixeu tõ Jezu enẽko toh kynexine aehxirotohme repe. — Otarãme kurãkara kurãkãko ropa mana oserematoh ae, tykase toto.

Maku 3:2 ပူးပေါင်းရင်းမြစ်များ

Saumu 37:32

Zae ehtoh poko exiketõ enẽko popyra exiketõ mana. Toto etapary se mã toto.

Jeremia 20:10

Imoihmãkõ omiry etãko ase puti puti ãko: “Emero rokẽ po erehtoh nae, enahkatopo! Eropa, Jeremia sekarotone tuisa tomo a!” ãko. Jepe tõ roropa josetapary eraximãko. Ynara ãko: “Otarame ahno apoitoh taka omõnõko mana; mame apoĩko sytatose, emỹpõko sytatose,” ãko.

Tanieu 6:4

Mame mokaro tuisa akorehmananõ, kowenatu tõ maro Tanieu azahkuru enery se toh nexiase ihxirotohme repe. Yrome azahkuru ehtoh onenepyra tokurehse toto zae rokẽ aexiryke. Ajohpe pyra nexiase, emese kure roropa toerokuru poko. Naeroro onyhxirosaromepyra toh nexiase.

Mateu 12:10

Moroto orutua kynexine, aosemahmirihmahpyry. Imehnõ roropa moroto kynexine Jezu eraximãko, ihxirory se toexirykõke. Iirypyryme Jezu enery se toh kynexine repe. Morara exiryke ynara tykase toto: — Otara ãko Ritonõpo nymeropohpyry nah? Zae sytatou ynara ahtao, kurãkõkara kurãkary ropa ahtao kyya xine oserematoh ae? tykase toto Jezu a.

Maku 3:3

Mame Jezu tõturuse aosemahmirihmahpyry a, ynara tykase: — Aimo, osehko irãnaka, tykase eya.

Ruka 14:1

Mame parixeu tapyĩ taka toytose Jezu otuhse, oserematoh ae. Moroto imehnõ parixeu tõ roropa kynexine. Jezu enẽko tỹme toh kynexine.

Ruka 20:20

Naeroro Jezu apoitoh eraximãko rokẽ toh kynexine. Enenanõ topehmase eya xine Jezu enekunohtohme repe. — Kure sã oturutoko imaro. Oturupoko roropa eya. Mame yronymyryme aomiry etatoko. Otarãme azahkuru ynororo mana. Otarãme kowenu kerekeremãko mana. Morara ahtao kowenatu a ekarõko sytatose. Kowenatu omi poe rokẽ etapãko sytatose, tykase toto Jezu poko.

Ruka 6:7

Moro tao Moeze nymerohpyry poko amorepatõkõ kynexine parixeu tõ maro. Ahno kurãkary enery se toh kynexine Jezu a oserematoh ae. “Mokyro popyra mana. Moeze nymerohpyry omipona pyra mana,” kary se toh kynexine. Morara exiryke toraximase eya xine, Jezu hxirotohme tyya xine.

João 8:6

Morara tykase toto Jezu tahkapotohme repe, Jezu hxirotohme. Yrome toto onezuhpyra Jezu kynexine aporo. Nono rokẽ tymerose aporo tomary ke.

João 9:16

Mame ynara tykase parixeu tomo: — Mokyro Ritonõpo poe pyra mana, aomipona pyra exiryke. Oseremara mana oserematoh ae, tykase toto. Yrome imehnõ ynara tykase: — Iirypyrymãme ahtao kurãkõkara onukurãkara exiry, tykase toto. Atae pyra toto.