Maku 3:13 - Ritonõpo Omiry: A Bíblia Sagrada na língua Aparai do Brasil

¹³ Morarame toytose ynororo ypy pona. Tỹpenery tõ rokẽ tarose eya.

Maku 3:13 ပူးပေါင်းရင်းမြစ်များ

Mateu 5:1

Morarame imoihmãkõ eneryke tyya Jezu tõnuhse ypy pona. Mame typorohse ynororo ahtao ipoetory tõ toytose eya.

Maku 3:14

Moroto tymenekase toto eya 12me tymaro toto ytotohme. — Amarokõ tymenekase ya ymaro oytotohkõme, tykase ynororo eya xine. — Ynenyokyryme roropa matose exĩko Ritonõpo omiry ekarotohme imehnomo a.

Maku 6:7

Mame typoetory tõ tykohmase tyya 12me, toto enyohtohme. Asasakoro rokẽ tonyohse toto eya. Ynara tykase ynororo eya xine: — Joroko tõ itũtanohpotatoko ropa ahno ae Ritonõpo omi poe.

Ruka 9:1

Morarame Jezu a tynamorepatyã tykohmase tyya 12mãkomo. Mame tyjamitunuru tokarose eya xine orẽpyra toto ehtohme, joroko tõ tũtanohpory poko, kurãkõkara kurãkary poko, enara. Toto tyripose orẽpyra.

João 6:3

Morarame ypy taunuhmase Jezu a. Ypy emory po typorohse ynororo, typoetory tõ maro.