Maku 14:3 - Ritonõpo Omiry: A Bíblia Sagrada na língua Aparai do Brasil

³ Morarame Petania po Jezu kynexine Ximão tapyĩ tao. Ximão mokyro ipũ imotahpyrỹpyry. Meza po otuhnõko toh kynexine. Mame nohpo a ixtaratu tonehse Jezu a topu kurã risẽ ao, arapaxturu risẽ ao. Ixtaratu esety naratu. Mame ixtaratu ẽ tuhkohse eya Jezu zũsety popatohme.

Maku 14:3 ပူးပေါင်းရင်းမြစ်များ

Kãtiku 1:12

Ytuisary kohrame toehse ahtao upũtokoxi, typorohtoh po, ixtaratu typoxine exikety ke osa pehkãko nexiase.

Kãtiku 5:5

Towõse ywy etapuruhmakatohme, ypyno exikety omõtohme. Jemary tahpase mira ke, jemahxikyry roropa, omõtoh epuru apoiase etapuruhmakatohme.

Mateu 21:17

Morarame turumekase ropa toto Jezu a. Morotoino toytose ynororo pata poe, Petania pona ropa. Moroto toiro kynẽmehne.

Mateu 25:17

Morararo, asakoro miujão apoihpono. Tytinerũ tomãkapose eya, imepỹ asakoro miujão tapoise ropa eya.

Maku 14:2

Ynara tykase toto oxime: — Otuhtohtao Jezu anapoipyra sehtone ahno tuhke exiryke. Otarãme kyzehno xine exĩko toh mana, tykase toto.

Maku 14:4

Morarame enenanõ oseya rokẽ tõturuse toto, ixtaratu poko zumoxike toexirykõke: — Oty katohme mose ixtaratu ahnikãko rokẽ nae?

João 11:2

Mokyro Maria Jezu pupuru kurikahpõ kynexine ixtaratu ke. Tũsety ke ikorokahpõ roropa kynexine. Mokyro piry kynexine kure pyra.