Maku 11:22 - Ritonõpo Omiry: A Bíblia Sagrada na língua Aparai do Brasil

²² Mame ynara tykase Jezu eya xine: — Ritonõpo enetupuhtoko. Ritonõpo jamitunuru enetuputyryhtao oya xine,

Maku 11:22 ပူးပေါင်းရင်းမြစ်များ

2 Koronika 20:20

Yrokokoro pakeimo toytose toto ona tonorẽ pona Tekoa pũtokoxi. Aytorykohtao tõturuse Josapa toto netaryme. Ynara tykase ynororo: — Juta tomo, Jerusarẽ põkõ roropa, etatoko pahne! Zae Ritonõpo ehtoh enetupuhtoko, Oesẽkomo. Mame oewomatorỹko mana. Urutõ kõ, ipoetory tõ zae ehtoh enetupuhtoko. Mame orẽpyra exĩko matose.

Saumu 62:8

Wekyry tomo, Kuesẽkõ onenetupuhkehpyra ehtoko! Osekarotoko eya, Kuewomanekõme ynororo exiryke, kuesarykõ kurano.

Mateu 14:29

— Osehko, tykase Jezu eya. Morarame towõse Peturu kanawae tuna poro toytotohme Jezu a.

Mateu 17:20

Ynara tykase Jezu eya xine: — Pitiko rokẽ jenetuputyryke oya xine tũtara joroko kynako, õmipona xine pyra kynako. Etatoko pahne, jenetuputyryhtao oya xine pitiko repe, moxitatu puhturu samo, ynara ãko matose sero somohmã netaryme: “Ytoko esyryhmako mõtona,” ãko matose. Mame õmi poe xine esyryhmãko mana. Emero tyriry waro exĩko matose.

Mateu 21:21

Ynara tykase Jezu eya xine. — Etatoko pahne, jenetuputyryhtao yronymyryme oya xine ynyrihpyry panõ rĩko roropa matose. “Nary rokene,” kara awahtao xine roropa, ynyrihpyry motye tyrĩko roropa matose. Ypy a ynara karyhtao oya xine: “Onuhko, tuna konõto kuaka oepukatohme,” karyhtao oya xine, moro kuaka epukãko mana.

Maku 9:23

Ynara tykase Jezu eya: — Enetuputyryhtao oya emero riry waro ase Ritonõpo poe. Wenetupuhko pahne, tykase Jezu jorokohpã zumy a.

João 14:1

Ynara tykase roropa Jezu typoetory tomo a: — Torẽtyke pyra ehtoko jytory poko. Emynyhmara ehtoko. Ritonõpo enetupuhnõko matose. Kuenetupuhtoko roropa.

Koroxi 2:12

Tõpurihkase awahtao xine Kyrixtu omi poe õsenetupuhtohkõ xihpyry tonahkase, oorihtohkõ samo. Pake oehtopõpyrykõ tonẽse sã mana aorihtyã ekepyry zonẽtopõpyry samo. Mame Kyrixtu ẽsemãkapory ropa sã Ritonõpo a moro sã õsenetupuhtohkõ tyrisenã sã tyrise ropa Ritonõpo a. Tyrisenã sã matose Ritonõpo jamitunuru enetuputyryke oya xine.

Titu 1:1

Ynymerohpyry moro oneneryme Titu. Ywy ase Pauru, Ritonõpo poetory, Jezu Kyrixtu nenyokyhpyry. Tymenekase ywy Ritonõpo a tynymenekatyã akorehmatohme aomiry enetupuhpotohme eya xine, zae omi kurã poko toto amorepatohme roropa.