Maku 10:47 - Ritonõpo Omiry: A Bíblia Sagrada na língua Aparai do Brasil

⁴⁷ Morarame Jezu Nazare põ oepyry ekary totase tyya ahtao tykohmase eya. — Jezu, Tawi parỹpyry, ypyno myhẽ exiko, tykase ynororo opore.

Maku 10:47 ပူးပေါင်းရင်းမြစ်များ

Izaja 11:1

Tawi tõ tuisame ehtopõpyry imũkuru maro ipakomotyã maro wewe akotyhpyry sã mana; yrome amoriry ahtary sã wewe ãtykyrỹpyry wino, imepỹ tuisa enurũko mana Tawi parỹpyryme, Jese mũkuru.

Mateu 1:1

Sẽ nase Jezu Kyrixtu enurutopõpyry poko. Tawi paryme Jezu kynexine. Aparão paryme roropa Tawi kynexine.

Mateu 12:23

Mame tõsenuruhkase imoihmãkomo. — To! Otarame Tawi parỹpyry nymyryme nase, tykase toto.

Mateu 15:22

Mame nohpo toytose Jezu a, Kanaã pono. Moroto esary kynexine nohpo esary. Morara exiryke tosae toytose ynororo Jezu enese. — Tawi parỹpyryme mase. Morara exiryke oehno oya. Yna pyno exiko ajohpãme samo. Jẽxiry jorokohpe mana. Etuarimãko mana yronymyryme, tykase nohpo Jezu a.

Mateu 2:23

Mame Nazare pona toytose roropa toto, Karirea rãnaõ pona. Moroto ke ehse toh rahkene, Ritonõpo omihpyry ae ro. Pake ynara tykase urutõ kõ Ritonõpo poe inymenekahpyry poko: “Nazare põme exĩko mana,” tykase.

Mateu 20:30

Morarame osema ehpio tonurãkara kynexine asakoro. Typorohse rokẽ toto osema ehpio. Mame Jezu ytory totase tyya xine ahtao, tykohmase toto a: — Tamuxi! Tawi parỹpyry, yna pyno exiko, tykase toto.

Mateu 21:11

— Mokyro urutono, Jezu Nazare pono, Karirea rãnaono, tykase imehnomo, imoihmãkomo.

Mateu 21:9

Mame kui kui tykase toto imoihmãkomo tãkye toexirykõke, osemazuhme ytoketomo Jezu mykapo ytoketomo, enara. Ynara tykase toto: — Kure Tawi parỹpyry mana. Kure mose tyriko Ritonõpo, õmi poe aepyhpyryme aexiryke. Kure Ritonõpo mana, imehxo, tykase toto.

Mateu 26:71

Mame toytose ropa Peturu jarakapyhpyry eutary aka ropa. Moroto tonese ropa ynororo imepỹ nohpo a. Ynara tykase ynororo orutua kõ netaryme: — Mose roropa Jezu maro nexiase, Nazare põ maro, tykase ynororo.

Mateu 9:27

Morotoino Jezu kỹtone ropa. Aytoryhtao tokahmase tonurãkara a. Asakoro kynexine tonurãkara. Mokaro a Jezu tokahmase. Ynara tykase toto: — Tawi parỹpyry mase. Yna pyno exiko Tawi parỹpyry, tykase toto opore.

Maku 1:24

— Oty se hma Jezu, Nazare pohno? Yna enahkapory se hmahno? Awaro ase. Ritonõpo mũkurume oexiry waro ase. Inenehpohpyry kurãme mase, tykase jorokohpã Jezu a opore.

Ruka 4:16

Morotoino Nazare pona toytose ropa Jezu, tuãtatopõpyry pona ropa. Mame oserematoh ae toytose ynororo atamorepatoh taka. Torẽnase ytose ynororo moro taka. Mame moro tao xikihme toehse Jezu Ritonõpo omiry sekerematohme imehnõ netaryme.

João 1:46

— Naary rokene! Imehxo exikety pyra reh moroto mana Nazare po, tykase Natanaeu eya. — Senetase, tykase Piripe. Natanaeu tarose eya.

João 19:19

Morarame wewe tymerose Pirato a rahkene. Jezu apõ pokona tynymerohpyry tyrise eya emero tonesẽme. “Jezu Nazare pono juteu tõ tuisary,” me tymerose eya.

João 7:41

Imehnõ roropa ynara tykase: — Ritonõpo nymenekahpyry mose ro, kukurãkanekõme, tykase. Yrome imehnõ roropa ynara tykase: — Ritonõpo nymenekahpyry kara mose ro. Ritonõpo nymenekahpyryme ahtao Karirea po pyra enururu. Perẽ po enururu.

João 7:52

— To, omoro roropa tokoh mã Karirea pono? Ritonõpo nymeropohpyry poko atamorepako, zuaro oehtohme. Karirea po mã Ritonõpo poe urutõ mã enurupyra sãtã mana moroto, tykase toto.

Atos 6:14

Ynara nase mose: “Sẽ tapyi kararahnõko Jezu Nazare põ mana. Moeze namorepatyã myakamãko roropa mana,” nase mose, tykase toto Exitewão poko ajohpe rokene.

Apokaripxi 22:16

— Ywy ase Jezu. Ynenyokyhpyry aropoase morohne ekarotohme oya xine tõximõse ypoetory tõ ahtao. Tuisa Tawi paryme ase. Maparukawa enery sã oya xine ẽmehsasaka ahtao, moro sã jeneryhtao oya xine ẽmehnõko sã matose, tyrisenã sã exĩko matose.