Maku 1:3 - Ritonõpo Omiry: A Bíblia Sagrada na língua Aparai do Brasil

³ Opore oturũko mana ona po. Ynara ãko ynororo mana: ‘Kuesẽkõ esemary tyritoko. Esemary esemahtotoko sorohme,’ ãko mana,” katoh tymerose Izaja a pake.

Maku 1:3 ပူးပေါင်းရင်းမြစ်များ

Mateu 3:1

Morarame Nazare po Jezu ahtao ro João ahno ẽpurihkane toytose. Imehnõ tamorepapitose eya Ritonõpo omiry poko moroto, ahno esao pyra, Jutea po.

Mateu 3:3

João poko tõturuse Izaja ekepyry. Pake Ritonõpo poe urutõme kynexine ynororo. Ynara tykase ynororo: “Opore mokyro oturũko mana ahno esao pyra. Ynara ãko mana: ‘Kuesẽkõ oehsasaka mana. Naeroro esemahtotoko Ritonõpo esemaryme! Oesẽkõme enetupuhtoko. Oorypyrykõ ikorokapotoko topohme aytotohme okurohtaka xine,’ ãko mana,” tykase Izaja pake.

João 1:15

Ipoko imehnõ turuse João a. Ynara tykase ynororo imoihmãkõ netaryme: — Mose poko kuuruatosene. Ynara asene oya xine: “Imepỹ oehnõko mana okomino Imehxo Exikety. Ywy ase ime hkopyra, ynororo ime kuhse mana. Osemazuhme jenurune repe. Yrome ynororo osemazuhme nymyry. Enurupyra ro jahtao nae ro ehse ynororo,” ase oya xine mose ro poko, tykase João eya xine.