Kãtiku 8:2 - Ritonõpo Omiry: A Bíblia Sagrada na língua Aparai do Brasil

² Kuarory aja tapyĩ taka, moroto ahtao kuamorepary. Eukuru kurã ekarory oya, uwa eukuru jehnahpyry, romã risẽ roropa õkurume.

Kãtiku 8:2 ပူးပေါင်းရင်းမြစ်များ

Porowepio 9:2

Toky tõ totapapose eya otuhtoh konõto ritohme, uwa eukuru jehnahpyry tyrise eya te, meza pona paratu tõkehko tyrise roropa eya.

Kãtiku 3:4

Mokaro turumekase ahtao ya, enease. Tapoise sã ynororo ya. Onurumekara ropa exiase, mokyro arotohto ya aja tapyĩ taka, jenurutopõpyry taka.

Kãtiku 4:10

Kure kuhse ya ypyno oehtoh mana, kuku, ynymenekahpyry ypytyme! Ypyno oexiry kurehxo mana eukuru jehnahpyry motye. Typoxine oehtoh kurehxo mana, imepỹ ixtaratu motye.

Kãtiku 7:12

Owõnõko sytase pakeimo, uwa zoko tõ enese. Otarame exipitõko mana. Otarame ekutapitõko mana, imehnõ wewe tõ roropa. Otarame romãzeira tõ ekutãko mana. Moroto opyno jehtoh ekarõko ase oya.

Kãtiku 7:9

Opotapihpyry uwa eukuru jehnahpyry sã mana ya, anusasame potu. Morara ahtao ah moro eukuru jehnahpyry ẽno ypyno exikety. Ah moro eukuru rino tỹtaka, tyzery tõ pona roropa.

Kãtiku 8:1

Kure exiry ypiryme awahtao, aja a tysuhsuru ke tohpase awahtao! Morarame tõseporyse kuahtao osema tao, epohnõko sexiry, mame imehnõ oty kara exiry.

João 5:39

Atamorepãko matose repe Ritonõpo omiry poko orihpyra oehtohkõme repe. Yrome ypoko ro aomiry mana.

Karaxia 4:26

Yrome imepỹ pata nae, Jerusarẽ panõ kapu ao. Moro pata kaeno. Moro po toehse sytatose, Aparão pyty mũkuru sã kuexirykõke, Izake samo. Kyyrypyrykõ tykorokase Ritonõpo a, tonetupuhse kyya xine exiryke.

2 Timoteu 3:15

Opoetoae ro kurã poko ãtamorepahpyry mase. Pape kurãme exiryke kutuarõtanohtorỹko mana, Ritonõpo a typoetoryme kyrirykõ poko, Jezu Kyrixtu tonetupuhse kyya xine ahtao.

2 Peturu 1:19

Apitoryme Ritonõpo poe urutõ kõ ekepyã omihpyry tonetupuhse yna a. Morarame Ritonõpo omiry etaryke yna a kaino itamurumehxo tonetupuhse yna a. Etatoko pahne, Ritonõpo poe urutõ kõ omihpyry poko wenikehpyra ehtoko. Nãparina sã aomihpyrykõ mana. Nãparina saereh ãko xinukutume ahtao ẽmepyry pona. Ẽmehsasaka ahtao Maparukawa enẽko sytatose. Moro saaro Jezu Kyrixtu oehnõko ropa mana. Mokyro omihpyry kutuarõtanohtorỹko mana Kuesẽkõ oehtãne. Naeroro aepyry ropa imomohtoko. Tooehse ynororo ahtao emero motye imehxo aexiry enẽko matose.

Apokaripxi 19:10

Mame imyhtokoxi typorohse ywy, “Kure mase,” katohme eya repe. Yrome ynara nase ya: — Arypyra. Asã ywy Ritonõpo namotome rokene. Imehnõ Ritonõpo poetory sã roropa ase. Jezu nekarohpyry zae ehtoh enetupuhnanõme matose. Ritonõpo rokẽ ẽpataka oporohtoko, “Kure mase,” katohme eya. Jezu nekarohpyry zae ehtoh enetuputyryke tyya xine pape tymerose urutõ komo a Ritonõpo poe.