Kãtiku 6:3 - Ritonõpo Omiry: A Bíblia Sagrada na língua Aparai do Brasil

³ Ypyno exikety nypynume ase, jepeme roropa mã ynororo. Toky tõ kaneru arõko mana onahpoty pona toto nahpatohme, ririo tõ rãnakuroko.

Kãtiku 6:3 ပူးပေါင်းရင်းမြစ်များ

Saumu 119:94

Kypynanohko jepetõkara winoino opoetoryme jexiryke, onyripohpyry tõ omipona se toehse roropa jexiryke.

Kãtiku 1:7

Kaxiko ya, pihpi, otoko oeky tõ nahpãko mah, kaneru tomo? Otoko na toto arõko mah toto oserematohme tãxiahtao? Kuuruko ytoytopyra jehtohme oupiry poko imehnõ eky tõ rãnakuroko.

Kãtiku 2:16

Ypyno exikety pyno ase ynymenekahpyryme mana. Inymenekahpyryme ase roropa. Toky tõ arõko mana, kaneru tomo, onahpoty pona ririo tõ rãnakuroko,

Kãtiku 4:5

Amanatyry asakoro kapau poenõ kamarame exiketõ sã mana, aotukurukohtao onahpoty ekuru tõ rãnao.

Kãtiku 7:10

Ypyno exikety nymenekahpyryme ase, yse mã ynororo.

Epereu 8:10

Taroino jomiry kasenato ekarõko ase Izyraeu tomo a. Taroino, ãko Ritonõpo mana, jomiry rĩko ase toto kurohtaka. Toto kurohtao jomiry merõko sã ase tamoreme sã jomiry waro toto ehtohme, tamoreme sã jomipona se roropa toto ehtohme. Mame toto esẽme exĩko ase. Ypoetoryme roropa exĩko mã toto.