Kãtiku 5:9 - Ritonõpo Omiry: A Bíblia Sagrada na língua Aparai do Brasil

⁹ Omoro, oryximehxo exikety, imehnõ nohpo tõ motye, yna zuruko: opyno exikety imehnõ motye kure nae? Oty nae ynororo imehnõ nohpo pyno exiketõ motye kurehxo aehtohme? Oty pokoino yna omiry etapõko mah moro samo oya?

Kãtiku 5:9 ပူးပေါင်းရင်းမြစ်များ

Saumu 45:13

Tuisa tapyĩ konõto tao tuisa pytyme exikety mana, oryxime potu mana! Zupõ mã uuru kurã risẽme mana.

Saumu 87:3

Etako pahne, Ritonõpo patary, aotururu kurã Jerusarẽ poko:

Kãtiku 1:8

Zuaro pyra awahtao, kuku, imehnõ nohpo tõ motye oryximehxo mase, imehnõ eky tõ ekahmako onahpoty enetohme oeky tõ poti tõ nahpatohme, toky tõ pyno exiketõ tapyĩ tõ pũto.

Kãtiku 2:7

Nohpo tomo, Jerusarẽ põkomo, õmirykõ etapoko kapau tõ netaryme, kapau nohpory tõ netaryme roropa, yna onerekohmara oehtohkõme tohrame yna ahtao oximaro.

Kãtiku 6:1

Omoro, oryximehxo exikety, imehnõ nohpo tõ motye, yna ezuhko: aza nytono opyno exikety? Otoko esemary nae? Ãkorehmãko ynanase mokyro enetohme ropa oya.

Izaja 53:2

Ritonõpo omi poe otyro ahtary sã mokyro wãtãko mana, otyro mity ahtary samo tonore nono ahtao. ‘Enekurã mokyro,’ kara ipoko toh nexiase. ‘Nuaseme potu mose ro,’ kara sytatose eneryhtao kyya xine.

Mateu 21:10

Mame Jerusarẽ pona toeporehkase Jezu ahtao panaikato rokẽ toh kynexine, osetato pyra omi. — Onoky keh mokyro? tykase imehnomo.

João 1:14

Mame mokyro, Ritonõpo poko amorepatõ ahnome tonuruse. Kymaro xine ehse. Kure nymyry aexiry tonese yna a. Iirypyrymãkõ pyno aexiry tonese yna a. Zae aexiry roropa tonese yna a. Kure rokẽ Tumũkuru tyrise Ritonõpo a imehxo aehtohme, Tumũkuru nymyryme exiryke.