Kãtiku 5:3 - Ritonõpo Omiry: A Bíblia Sagrada na língua Aparai do Brasil

³ Yrome tupoke pyra ase, touse ya. Upo amururu se ropa hma ya? Upupuru tõ roropa tukurikase ya. Oty katohme ixikuromãko ropa ywy?

Kãtiku 5:3 ပူးပေါင်းရင်းမြစ်များ

Jenexi 19:2

Ynara tykase ynororo eya xine: — Moehtou? Taro ase ãkorehmatohkõme. Ajohpãme sã ehmaropa ytapyĩ taka. Moroto opupurukõ kurikãko matose oytotohkõme ropa. — Arypyra, tykase toto, jarãnao, pata rãnao ẽmehnõko ynanase, tykase toto eya.

Porowepio 13:4

Akĩme exikety typenetatoh anapoipyra ekurehnõko mana, itamurume ise ahtao ro, yrome typenetatoh apoĩko yronymyryme erohkety mana.

Porowepio 22:13

Akĩme exikety tũtara mana tytapyĩ tae: otarame jytoryhtao jarãnaka jesekãko reão mana, ãko mã ynororo.

Porowepio 3:28

Ynara kara exiko imehnomo a: “Eraximako aporo, kokoro ãkorehmãko ase,” kara exiko mokyro akorehmary waro awahtao seroae ro.

Mateu 25:5

Mame mokyro pytakety okynã sã mana oehpopyra. Morarame okynã toehse ahtao wetukene nohpo tõ exĩko mana. Nyhnõko mã toto.

Ruka 11:7

— Morarame tytapyĩ tae oezuhnõko oepe mana. Ynara ãko otarame mana: “Jerekohmara exiko. Tapuruse nase tapyi. Nyhnõko ynanase. Ypoenõ jowomyhtome nase xitãko. Owõpyra ase,” ãko mã repe, tykase Jezu.