Kãtiku 5:2 - Ritonõpo Omiry: A Bíblia Sagrada na língua Aparai do Brasil

² Nyhnõko exiase, yrome ukurohtao typakase exiase. Mame ypyno exikety omiry etase ykohmãko omõtoh po. Omõxi, kuku, ypytyme exikety, opyno ase utuku pitiko, atapuropyra exikety. Jupuhpyry tahxikure nase konopo ke, jũsety roropa tahxikure mana konopo ke.

Kãtiku 5:2 ပူးပေါင်းရင်းမြစ်များ

Jenexi 29:20

Naeroro toerohse Jako 7me jeimamyry Rakeu apoitohme typytyme. Yrome ise toexiryke 7me jeimamyry tuhke pyra saerehkatoh sã kynexine eya.

Saumu 119:1

Tãkye matose ohxirosaromepyra imehnõ ahtao, zae ehtoh poko rokẽ awahtao xine, Ritonõpo Oesẽkõ omiry omipona!

Saumu 81:10

Ywy ase Ritonõpo Oesẽkomo, ya touse amarokomo Ejitu nonory poe. Ẽtakatoko, anahpatorỹko ase.

Porowepio 23:26

Aimo, jomiry etako, zae jehtoh sã exiko, ynyriry kurã ipoenohko.

Kãtiku 1:16

Nuaseme mase, pihpi, opyno ase yronymyryme. Yzamaro mase ipunaka! Onahpoty potu kynyhtohme exĩko mana.

Kãtiku 2:10

Oturũko mã ypyno exikety ynetaryme. Osehko xiaro, ynymenekahpyry; eropa ymaro opyno ase ipunaka.

Kãtiku 2:14

Tõtonẽse mase utukuimo samo topu tõ rãnao, eutary aka osenepyra ehtohme. Oẽmyty enexi; õmiry etaxi, anusasame õmiry ya mana, oẽmyty enekure roropa mana.

Kãtiku 2:8

Omi etãko ase, ypyno exikety omiryme. Oehnõko mana axiny, ypy tõ poe yhtõko mana, somohmã poe pyhseky ãko, tururume oehnõko ya.

Kãtiku 3:1

Tohrame jahtao jynyhtoh po, kokoro rokẽ tykohmãse ahtao tõsenehse ywy ỹpynume exikety poko; tupise ynororo ya repe, yrome onenepyra tokurehse ywy.

Kãtiku 4:7

Oryxime mase, kuku, jenuru zamaro mase! Enekure mase ipunaka!

Kãtiku 4:9

Kuku, opyno ase ipunaka, toiro jeneryhtao oya okyryry osenao tonese ahtao ya jeano tomatonanohse oya, opyno toehse ywy yronymyryme.

Kãtiku 5:6

Mame omõtoh etapuruhmakase ypyno exikety omõtohme repe, yrome pake toytose ropa ynororo. Aomiry etary se exiase yronymyryme! Upiase repe, onenepyra exiase; ykohmase, yrome jezuhpyra nexiase.

Kãtiku 6:9

Yrome toiro rokẽ pyno ase, atapuropyra exikety, utukuimo samo. Jẽ ẽxiryme mã toirono, nupunato jeny a mana. Imehnõ nohpo tõ emero ynymenekahpyry eneryke tyya xine: “tãkye mana,” ekarõko mã toto. Tuisa tõ pyxiamo, imehnõ nohpo tõ kurã roropa mokyro eahmãko mã toto. Ynara ãko:

Kãtiku 7:9

Opotapihpyry uwa eukuru jehnahpyry sã mana ya, anusasame potu. Morara ahtao ah moro eukuru jehnahpyry ẽno ypyno exikety. Ah moro eukuru rino tỹtaka, tyzery tõ pona roropa.

Kãtiku 8:7

Opyno jehtoh onezehkasaromepyra tuna mana. Tuna zueme ahtao ro onerymaposaromepyra mana. Ipyno ehtoh epekatyry se ahno ahtao tineru ke, uuru tõkehko ke, toiparo rokẽ exiry. “Moky kahpyry,” ãko rokẽ mana ipoko.

Izaja 50:6

Ỹpary ekaroase jypipohnanomo a, jẽmyty ekaroase otypo mukanomo a. Otonẽpyra exiase typoihtose jahtao eya xine, ituh tykase toto ahtao, jẽmyty pona.

Izaja 52:14

Tuhkãkõ tõsenuruhkase mokyro eneryke tyya xine, itamurume tyyryhmase aexiryke onenetupuhpyra epe tõ nexiase, ahnome pyra tokarose ynororo eya xine.

Tanieu 8:18

Oturũko ro ynororo ahtao, toepukase ywy aorikyhpyry samo jẽmyty po nono pokoxi. Yrome tanỹse ropa ywy eya xikihme.

Zakaria 4:1

Mame Ritonõpo nenyokyhpyry, ymaro osemazuhme aoturuhpyry toehse ropa ya jẽpakase ropa samo. Typakase sã exiase inykyhpyry pakary ropa samo.

Mateu 7:8

Ynara exiryke kurãkõ ekaroporyhtao Ritonõpo a ekarõko oya xine mana. Ise oehtohkõ zupiryhtao oya xine ekarõko oya xine mana. Ãpuruhpyry etapuruhmakaporyhtao oya xine etapuruhmakãko roropa mana.

Mateu 8:17

Morohne tyrise Jezu a pake urutõ omihpyry ae ro, Izaja omihpyry ae ro. Ynara tymerose Izaja a pake: “Tamoreme kure pyra kuehtohkõ kurãkãko mana. Tamoreme kukurãkatorỹko roropa mana,” tykase pake Izaja Ritonõpo nymenekahpyry poko. Morara katopõpyry ae ro kurãkõkara tukurãkase ropa Jezu a.

Maku 1:35

Morarame kuratiri etaryhtao towõse ropa Jezu. Tokare pyra toytose ynororo ahno esaka pyra oturuse Ritonõpo maro.

Ruka 22:44

Morarame sam tykase Jezu tukurohtao. Yronymyrymehxo tõturuse Ritonõpo a ynororo. Munume tonãkutase ynororo toemynyhmaryke. Pitahtykase enãkuru nono pona.

Ruka 6:12

Morarame Jezu toytose ypy pona Tumy maro oturuse. Moroto tõmehse ynororo tõtururu poko Tumy maro, Ritonõpo maro.

Ruka 9:32

Yrome Peturu tõ tynyhse kynexine tyrõnaka xine. Mame typakase ropa toto ahtao, Jezu saereme exiry tonese eya xine. Asakorõkõ roropa tonese eya xine, Jezu maro.

João 10:4

Tutũtase toto ahtao, toto esemazupurume mã esẽkõ exĩko mana. Tosẽkõ ekahmãko mã toto, aomiry waro toexirykõke. Ĩkapo toh ytõko mana.

Karaxia 2:20

Taro ro ase sero nono po, yrome Kyrixtu ymaro mana. Naeroro Ritonõpo mũkuru enetuputyryke sã rokẽ ytoytõko ase. Pake jehtopõpyry sã pyra, aomipona toehse ywy. Ypyno toexiryke kynorihne, orihpyra jehtohme. Naeroro aomipona se rokẽ ase.

Epezu 5:14

Ynara exiryke, emero tonepose ahtao saereme sã exĩko, jarao exĩko mana. Morara exiryke ynara tymerose imepyny a: “Nyhkety, apakako ty. Oẽsemãko ropa orihxĩpo, mame Kyrixtu saereh ãko mana opona,” me tymerose.

Apokaripxi 14:4

Orutua kõ mokaro, kurãkõme mã toto. Tyyrypyrykõ poko pyra mã toto ipunaka Ritonõpo omipona rokẽ toehtohkõme. Naeroro nohpo tõ poko pyra mã toto, typye pyra roropa mã toto. Kaneru mũkuru omipona rokẽ mã toto imepỹ maro toehtohkõme onurumekara mã toto. Topekahse mã toto imehnõ sero põkõ maro pyra toto ehtohme. Tokarose mã toto Ritonõpo a osemazuhme kaneru mũkuru a, enara.

Apokaripxi 3:20

Etatoko pahne, tahtah ãko ase jemary ke jomomyry se jexiryke okurohtaka xine. Jomiry etaryhtao oya xine, etapuruhmakaryhtao roropa oya xine omõnõko ase okurohtaka xine. Amaro xine otuhnõko ase. Ymaro roropa otuhnõko matose.

Apokaripxi 3:4

Amaro xine nae tuhke pyra, tupoke sã ikurikasenã ke, Sarati põkõ roropa. Ymaro ytoytõko mã toto tupoke karimutumã ke, kurãme exiryke.