Kãtiku 4:4 - Ritonõpo Omiry: A Bíblia Sagrada na língua Aparai do Brasil

⁴ Opymyry enekure mana, tuisa Tawi namohpyry kaetokohxo exikety samo, amiamime mana. Oesenao miume osewomatoh tyhwyme mana, soutatu tõ jamihmãkõ mõkomory sã osetaparyhtao.

Kãtiku 4:4 ပူးပေါင်းရင်းမြစ်များ

2 Samueu 1:21

Konopo oehpyra exiko ypy Kiupoa pona. Otyro ahtara exiko tupito tõ po! Moroto soutatu tõ osewomatoh typahse exiryke, nuriame nono po; Sauu osewomatoh zemime pyra toehse oriu maro onykorokara exiryke.

2 Samueu 22:51

Tuisame imehxo jyrĩko Ritonõpo mana, tynymenekahpyry pyno exikehpyra mana; Tawi hkotano, ipoenomo, ipakomotyã jũme toto pyno exikehpyra mana.

Neemia 3:19

Moro mykapo toerohse Ezea, Jesua mũkuru, kowenatume Mixipa tuisaryme, onuhtoh etonie soutatu tõ pyre esaka, moro poe mya apuru eramatoh pona.

Saumu 144:12

Ah yna mũkuru tõ poetome toto ahtao, otyro zoko sã nexĩ toto, jamihme, ah yna ẽxiry tõ tuisa tapyĩ konõto ipuroxikihny sã nexĩ toto, emeporyme!

Kãtiku 1:10

Oẽmyty enekure mana, oũsety maro, panasere maro. Opymyry kure potu mana osenao maro, uuru risemy!

Kãtiku 7:4

Opymyry tapyi kaetokohxo exikety sã mana, maafim risẽ samo. Oenuru tõ tuna pẽkamã sã mã kehko pata Hexipõ po, moro pata imehxo exikety omõtoh pũto. Oeunary nupunato mana, tapyi kaetokohxo exikety sã Ripano po. Moro poe pata Tamaxiku osenẽko mana.

Kãtiku 7:5

Oupuhpyry jũme tanỹse mana, ypy Karameru samo. Oũsety kamisa kurã sã mana. Moro kure ehtoh eneryke tuisa a tymyhse sã exĩko mana, anamotome samo.

Kãtiku 8:10

Apurume ase, ymanatyry tõ tapyi kaetokohxo exiketõ sã mana. Ypyno exikety zuaro mana: imaro jahtao tãkye ase, torẽtyke pyra ipunaka.

Mikeja 4:8

Mame pata Jerusarẽ po, Ritonõpo, kaneru tõ esẽ sã typoetory tõ pynanohnõko mana. Mame pata imehxo exĩko ropa mana, tuisa konõto esaryme pata Jerusarẽ po.

Koroxi 2:19

Yrome Kyrixtu Kuesẽkõ enetuputyry turumekase ropa eya xine azahkuru toexirykõke. Yrome kupuhpyrykõme sã Kyrixtu mana Kuesẽkõme exiryke. Zokome sã sytatose ipoetoryme kuexirykõke. Kuokokõ wãtanohpõko Ritonõpo mana, kyzehpyrykõ maro, kymitykõ maro. Moro saaro kuokokõ wãtanohpory saaro kuakorehmatorỹko Ritonõpo mana orẽpyra kuehtohkõme tõmipona, tyrisenã sã kuosenetupuhtohkõ ehtohme roropa.

1 Peturu 1:5

Tynekarory kyya xine kurãkãko Ritonõpo mana, tymaro jũme kuehtohkõme. Tonetupuhse oya xine exiryke oewomatorỹko Ritonõpo mana tyjamitunuru ke. Imeĩpo opynanopyrykõ enepõko mã Ritonõpo sero põkomo a, sero etyhpyry po tymaro jũme kuehtohkõme.