Kãtiku 1:4 - Ritonõpo Omiry: A Bíblia Sagrada na língua Aparai do Brasil

⁴ Kuaroko amaro! Eropa axiny! Ytuisaryme exiko, mame kuaroko onyhtoh taka. Tuisa konõto, atãkyemãko ynanase opokoino, eremiãko ynanase opoko, opyty pyno oexiry poko, amaro ehtoh kure mana yna a, eukuru jehnahpyry motye. Naeroro, tuisa, emero opyno ynanase.

Kãtiku 1:4 ပူးပေါင်းရင်းမြစ်များ

Saumu 111:4

Inyrityã kurã poko onuenikehkamexipopyra Ritonõpo mana kyya xine; kypyno xine mana, kuãnohpyra xine roropa mana.

Saumu 119:32

Axĩ onyripohpyry ya omipona exĩko ase, ynara exiryke: otato jahtao itamurumehxo oenetupuhnõko ase.

Saumu 119:60

Axiny, atarypokety sã õmiry omipona exĩko ase.

Saumu 149:2

Atãkyematoko, Izyraeu tomo, Ritonõpo Oesẽkõ poko. Oseahmatoko, Jerusarẽ põkomo, Otuisarykõ poko.

Saumu 42:4

Ukurohtao sam ãko ase josenetuputyryhtao pake ehtopõpyry poko, toytose jahtao imoihmãkõ maro Ritonõpo maro oturutoh taka. Esemazupurume ytoase imaro xine, oximõme atãkyemãko, eremiãko kohtãko Ritonõpo eahmãko.

Saumu 48:9

Ritonõpo, Atapyĩ tao osenetupuhkehpyra ynanase yna pyno oehtoh poko.

Saumu 63:5

Kure jyriry oya tonahsẽ tomepore sã ya mana; tuesapare sã ase ukurohtao, morara exiryke tãkye eremiãko ase oeahmaryme.

Kãtiku 3:4

Mokaro turumekase ahtao ya, enease. Tapoise sã ynororo ya. Onurumekara ropa exiase, mokyro arotohto ya aja tapyĩ taka, jenurutopõpyry taka.

Kãtiku 4:10

Kure kuhse ya ypyno oehtoh mana, kuku, ynymenekahpyry ypytyme! Ypyno oexiry kurehxo mana eukuru jehnahpyry motye. Typoxine oehtoh kurehxo mana, imepỹ ixtaratu motye.

Izaja 25:8

Orihtoh enahkãko roropa mana jũme, nono põkõ orihpyra exĩko mã toto. Toto xity korokãko Ritonõpo mana toto enuru ae, mame typoetory tõ ehxirotopõpyry enahkãko mana sero nono po. Morara tykase Ritonõpo.

Izaja 45:25

Yrome ywy, Ritonõpo, Jako pakomotyã emero pynanohnõko ase, mame jeahmãko mã toto.”

Izaja 61:3

tãkye ehtoh ekarotohme parimã samo xitaketomo a Xião po. Ihnamotoh myakamãko ase eremiatoh ke. Zae ehtoh poko rokẽ exĩko mã toto; wewe karawario sã exĩko mã toto Ritonõpo Kuesẽkõ narykatyamo. Imehxo Ritonõpo ehtoh enepõko mã toto.

Izaja 63:7

Kypyno xine Ritonõpo Kuesẽkõ ehtoh ourutorỹko ase: “Kure mase,” ãko ase eya inyrityã pokoino emero; Kure rokẽ kyriatose, kure toexiry poko typoetory tomo a tonepose eya, toto pyno toexiryke, kure toto riry se roropa.

Jeremia 31:3

moino tooehse ywy, osenepose eya xine. Moino ro opyno xine exiase, naeroro opyno xine jehtoh enepõko ro ase oya xine, jũme opyno xine jehtoh exikehpyra mana.

Ozeja 11:4

Toto pyno jehtoh ke, toto ewomaryke roropa ya toahmase toto ya. Tanỹse toto ya jemary ke, jenao poeto apoiry sã jũ tomo a tonao xine. Toepuise ywy toto otuhmapotohme.”

Sowonia 3:14

Atãkyematoko, Jerusarẽ põkomo! Izyraeu tomo, eremiatoko Ritonõpo eahmaryme! Oseahmatoko yronymyryme.

Zakaria 9:9

Atãkyematoko, Xião põkomo! Jerusarẽ põkomo, oeremiatoko ãtãkyemarykõme! Otuisarykõ oehnõko mana. Orẽpyra Exiketyme oehnõko mana, Imehxo Exiketyme roropa, yrome epyrypara mana, jumẽtu po tõtyrise mana, jumẽtu zumõkara, imũkurumano.

Mateu 25:10

— Morara kary etaryke tyya xine ytõko mã toto 5mãkomo, tuaro pyra exiketomo, oriu epekahse repe. Mame erẽnakety oehnõko sã koko toto esahpyo mana. Morarame imaro ytõko toh mã tuaro exiketõ rokene, 5mãkõ rokene. Tapyi taka omõnõko mã toto erẽnatoh taka, otuhtoh konõto pona. Mame tapyi apurũko sã erẽnatoh aporesemyry mana.

Ruka 2:10

Yrome ynara tykase Ritonõpo nenyokyhpyry eya xine: — Oserehpyra ke ehtoko. Omi kurã ekarose oehno oya xine, tãkye oehtohkõme. Imehnõ roropa tãkye exĩko mana porehme.

Ruka 22:19

Mame wyi tapoise eya. Ynara tykase: — Kure mase Papa Kapuaono, tykase. Mame wyi tytohtohkase eya, typoetory tomo a ekarotohme. Ynara tykase ynororo eya xine: — Sero upũme nase. Orihnõko ase oemetakãkõme. Sero enapyryhtao oya xine osenetupuhtoko jorikyry poko, tykase ynororo eya xine.

João 12:32

Mame tanỹse jahtao wewe pokona, emero sero nono põkomo a osenetupuhpõko ase, tykase Jezu eya xine.

João 6:44

Ritonõpo jenetupuhpopyra oya xine ahtao, ya oehpyra matose. Yrome ya ooepyrykohtao oẽsemãkapotorỹko ropa ase aorihtyã tõ ẽsemãkapotoh ropa po.

Epezu 2:6

Seromaroro Kyrixtu Jezu maro kuexirykõke, kuosenetupuhtohkõ tyrisenã sã tyrise ropa Ritonõpo a mana. Tymaro tuisame kuehtohkõme kapu ao, kuosenetupuhtohkõ tyrisenã sã tyrise ropa eya.

Epezu 6:24

Kure oriporykõ se ase Ritonõpo a, emero Kuesẽkõ Jezu Kyrixtu pyno exiketõ maro, jũme ipyno toehse toto exiryke. Enara rokene.

Piripo 3:3

Yrome mokaro sã pyra sytatose. Kukurohtao xine tukurãkase kuexirykõke. Ritonõpo Zuzenu poe Ritonõpo poko sytatose. Atãkyemãko sytatose Jezu Kyrixtu poetoryme kuexirykõke. Kupũkõ sahkary tõkehko, kuakorehmara xine ipunaka kure kyrirykõ poko Ritonõpo a. Moro waro sytatose.

Piripo 4:4

Typynanohse matose Kuesẽkomo a tymaro oehtohkõme. Naeroro tãkye ehtoko kokoro rokene. Atãkyematoko, ãko ropa ase oya xine.

Epereu 12:1

Naeroro tuhkãkõ kutuarõtanohtorỹko mana zae Ritonõpo ehtoh poko. Naeroro Jezu enetuputyry poko kuakorekehkatohkõ surumekatone emero porehme. Kyyrypyrykõ omoxinety sã kypoko xine. Tũpore sã kypoko xine roropa mã repe. Morohne surumekatone emero porehme. Tururume ytoketõ sã sehtone. Penekehpyra sehtone Ritonõpo nekarory eraximary poko. Ritonõpo nekarory poko sehtone yronymyryme.

1 Peturu 1:8

Jezu Kyrixtu onenepitopyra matose yrome ipyno matose. Onenepyra ro matose seromaroro yrome enetupuhnõko matose. Naeroro atãkyemãko matose ipunaka. Ãtãkyemarykõ kapuaõkõ tãkye exiry sã mana, ekuhpỹme sã mana tãkye kuhse oexirykõke.