Kãtiku 1:3 - Ritonõpo Omiry: A Bíblia Sagrada na língua Aparai do Brasil

³ Typoxine mase; oesety etaryhtao ya moro typoxine oehtoh oehnõko ropa ya mana, josenetupuhtoh aka. Nohpo tõ emero, opyno exikehsaromepyra mã toto.

Kãtiku 1:3 ပူးပေါင်းရင်းမြစ်များ

Saumu 133:2

Azeite kurã ipopatoh sã mana Arão zupuhpyry po, serere ãko mana yhtõko etypoty pona, zupõ ehpiry poro.

Saumu 45:14

Upo kurã tamuruse, sỹsỹkamã potu toytotohme tuisa ẽpataka, tymaro oryximãkõ arõko mana.

Exutu 33:12

Ynara tykase Moeze Ritonõpo a: — Zae turuse ywy oya moxiã imoihmãkõ arotohme onekarohpyry pona. Yrome onoky ymaro ytõko nae? Mokyro onekaropyra ro mase ya. Juarohxo oehtoh mekaroase. Azamaro jehtoh roropa ekarõko mase.

Exutu 33:19

Ynara tykase Ritonõpo eya: — Ynara tyrĩko ase. Ytõko ase oẽpataka jezuru imehxo exikety maro. Jesety kurã ekarõko roropa ase onetaryme. Ywy ase Ritonõpo. Imehnõ pyno ase ise jahtao. Imehnõ onuãnohpyra ase ipynanopyrykõ se jahtao.

Porowepio 27:9

Ixtaratu te, oriu typoxine exikety roropa tãkye orĩko mana. Morararo oepe maro awahtao tãkye exĩko mase õtururuke imaro.

Ekereziaxti 7:1

Ahno esety kurã ixtaratu typyne exikety motye kure mana. Ahno orihtoh ẽmepyry kurehxo roropa mana, aenurutopõpyry kure ehtoh motye.

Kãtiku 3:6

Onoky mokyro oehnõko nae ona tonorẽ poe? Orexĩto sã mana, typoxine mira ke, ixtaratu ke roropa, emero rokẽ ixtaratu tokamose exikety osepekahketõ nekamory samo?

Kãtiku 4:10

Kure kuhse ya ypyno oehtoh mana, kuku, ynymenekahpyry ypytyme! Ypyno oexiry kurehxo mana eukuru jehnahpyry motye. Typoxine oehtoh kurehxo mana, imepỹ ixtaratu motye.

Kãtiku 5:13

Ẽmyty enekure mana, tupito po otyro typoxine exiketõ arykahpyry samo. Ipotapihpyry ririo sã mana, aomiry kure mana ixtaratu samo.

Kãtiku 5:5

Towõse ywy etapuruhmakatohme, ypyno exikety omõtohme. Jemary tahpase mira ke, jemahxikyry roropa, omõtoh epuru apoiase etapuruhmakatohme.

Kãtiku 6:8

Imepỹ pyra mana isã exikety sero nono po. 60me tuisa tõ pyxiã ahtao, 80me imehnõ nohpo tõ kurã maro, oryximãkõ ikuhpỹme exiketõ maro!

Izaja 61:3

tãkye ehtoh ekarotohme parimã samo xitaketomo a Xião po. Ihnamotoh myakamãko ase eremiatoh ke. Zae ehtoh poko rokẽ exĩko mã toto; wewe karawario sã exĩko mã toto Ritonõpo Kuesẽkõ narykatyamo. Imehxo Ritonõpo ehtoh enepõko mã toto.

Mateu 25:1

Ynara tykase Jezu: — Morarame kurãkõ apiakatoh po Kapu ae Ayhtohpyry oehnõko ropa mana. Mame ynara sã exĩko mana pytatoh sã exĩko mana. Pytatoh ke mana. Mame morotona sã nohpo tõ eahmãko, omame porehme oryximãkomo. Mame tynãparinãkõ apoĩko mã toto pytakety eraximatohme sã tyya xine.

João 12:3

Morarame Maria a ixtaratu tapoise typyne exikety, meio riturume naratu kurã risemy. Jezu pupuru pona moro tukuãse eya. Ipupuru tykorokase ropa tũsety ke eya. Typoxine itamurume toehse tapyi tao.

2 Korĩtiu 11:2

Torẽtyke ase opoko xine, torẽtyke Ritonõpo ehtoh samo opoko xine. Omykõme sã jexiryke torẽtyke ase. Jẽxiryme sã, orutua maro exipitopỹ sã matose ya. Oewomatorỹko sã ase roropa toirõ pytyme sã oehtohkõme. Toiro rokẽ pyno exikety tynio nymyry pyno exiketyme mana. Morararo Kyrixtu pyno yronymyryme oehtohkõ se ase, imehnõ poko pyra oehtohkõme ipunaka. Imeĩpo oekarorykõ se ase Kyrixtu a kurãkõme, tyyrypyhpyke pyra exiketõme.

Piripo 4:18

Seromaroro onenehpohpyrykõ Epaporotitu a apoi rahkene, porehme. Epo mana. Imotye roropa mana. Onekarohpyrykõ ya onekarohpyryme Ritonõpo a mana. Typoxine sã eya mana. Kure Ritonõpo a mana. Jamaro mana.

Apokaripxi 14:4

Orutua kõ mokaro, kurãkõme mã toto. Tyyrypyrykõ poko pyra mã toto ipunaka Ritonõpo omipona rokẽ toehtohkõme. Naeroro nohpo tõ poko pyra mã toto, typye pyra roropa mã toto. Kaneru mũkuru omipona rokẽ mã toto imepỹ maro toehtohkõme onurumekara mã toto. Topekahse mã toto imehnõ sero põkõ maro pyra toto ehtohme. Tokarose mã toto Ritonõpo a osemazuhme kaneru mũkuru a, enara.