Juize 9:54 - Ritonõpo Omiry: A Bíblia Sagrada na língua Aparai do Brasil

⁵⁴ Axĩ typoetory tykohmase tyya, typyre puimane. Ynara tykase ynororo eya: — Opyre ke kuwoko. “Nohpo a totapase,” kary se pyra ase. Naeroro tuose ynororo nuasemano a.

Juize 9:54 ပူးပေါင်းရင်းမြစ်များ

2 Samueu 1:10

Naeroro ytoase eya, etapase orihsasaka aexiryke. Mame iparimanỹpyry uuru risẽ apoiase zupuhpyry poe enehtohme oya, apory emepory roropa enehno oya.

2 Samueu 1:7

Mame toeramase ynororo ahtao jenease, ykohmase tyya. Ezukuase roropa: “Taro ase, tuisa,” ase eya.

2 Samueu 1:9

Mame ynara nase ynororo ya: “Juõ toto, orihnõko ase. Naeroro kuwoko jũme rokene,” nase ya.

2 Samueu 23:37

Zereke, Amõ pono te; Naarai, Peerote pono, Joape pyre aroneme, Zeruia mũkuru te;

1 Koronika 10:4

Naeroro ynara tykase ynororo typyre arone a: — Punião apoiko juotohme jũme rokene. Arypyra ahtao mokaro Ritonõpo omipona pyra exiketõ jyyryhmãko mã toto jetaparyhtao, tykase. Yrome mokyro nuasemã iwaratã arone enaromỹke kynexine. Tosẽ etapary se pyra kynexine. Naeroro tamoreme toepukase Sauu tytapemã pona tõtuotohme.

1 Koronika 10:5

Mame Sauu orihtopõpyry tonese ahtao tyya, mokyro nuasemã roropa toepukase tytapemã pona orihtohme imaro.

1 Koronika 11:39

Zereke, Amõ pono; Naarai, Peerote pono, mokyro Joape pyre aroneme kynexine;

Juize 4:9

— Kure, tykase ynororo. — Amaro ytõko ase repe. Yrome orẽpyra exiketyme oeahmara mã toto, ynara exiryke, Xisera ekarõko Ritonõpo mana nohpo a etapatohme. Mame Parake maro Tepora toytose Ketese pona.

Juize 9:55

Apimereke orihtopõpyry tonese ahtao Izyraeu tomo a toytose ropa toto tytapyĩkõ taka.

1 Samueu 14:12

Mame Jonata tõ tykohmase tyya xine pirixteu tõ soutatu tomo a: — Onuhtokoh xiaro! Enepotoh nae ynanase enepotohme oya xine. Ynara tykase Jonata tymaro exikety a: — Eropa ymaro. Ritonõpo Kuesẽkõ kuakorehmãko mana pirixteu tõ poremãkatohme.

1 Samueu 14:13

Morarame topu poko tõnuhse Jonata, tokahmase ynororo akorehmane a. Mame pirixteu tõ maro tãtatapoipitose toto. Tomase toto Jonata a nono pona, ĩkapo totapase roropa toto ipyre puimane a.

1 Samueu 14:14

Morarame moro etonatoh poko, otarame 20me orutua kõ totapase eya xine moroto, tupito panõ po.

1 Samueu 14:17

Mame ynara tykase Sauu typoetory tuisary tomo a: — Soutatu tõ ikuhtoko zuaro jehtohme. Onokãkõ taro pyra hnae? tykase Sauu. Naeroro tukuhse toto ahtao zuaro toehse toto: “Jonata pyra rokẽ mana, ipyre arone maro,” tykase toto.

1 Samueu 14:7

Mokyro a tozuhse: — Kure oya ahtao tyriko kẽty. Amaro ase, tykase.

1 Samueu 16:21

Tawi toytose Sauu a erohse ipoetoryme. Mame Tawi pyno toehse Sauu yronymyryme. Tyrise ynororo typyre aroneme.

1 Samueu 31:6

Morara exiryke Sauu tõ toorihse tumũkuru tõ oseruaõkõ maro typyre arone maro, ipoetory tõ roropa emero toorihse oximõme, toiro ẽmepyry ae.