Juize 9:37 - Ritonõpo Omiry: A Bíblia Sagrada na língua Aparai do Brasil

³⁷ — Eneko ke! tykase Kaau. — Ahno ro mokaro oehnõko xiaro. Yhtõko toto xiaro. Imehnõ oehnõko mã toto osema ae, wewe karawario poe.

Juize 9:37 ပူးပေါင်းရင်းမြစ်များ

Ezekieu 38:12

Ahno poremãkãko mase, pata põkõ pake tytohtohkase exiketomo; ikyryrykõ ematonanohnõko mase. Moro pata tõ põkõ tonehpose ropa imeimehnõ nonory poe oximõme toto ehtohme toiro nonory po. Seromaroro tokyke mã toto pui tõkehko, tutupike te, tytapyĩke mã toto moroto ahno tõ rãnao.

Teuteronomiu 18:14

Ynara tykase Moeze Izyraeu tomo a: — Mokaro ahno tõ aropõko matose moro nono poe inonorykõ apoitohme oesarykõme. Joroko poko exiketõ omipona mokaro mã toto, pyaxime exiketõ omiry omipona roropa. Yrome amarokomo a morohne onyripopyra Ritonõpo mana.

Juize 9:36

Mokaro eneryke Kaau a ynara tykase ynororo Zepuu a: — Eneko ke! Ahno yhtõko ypy tõ emory poe! Yrome ynara tykase Zepuu eya: — Ahno kara morohne. Ypy tõ zuzenu rokẽ moro, ahno samo.

Juize 9:38

Mame ynara tykase Zepuu: — Ajamitunuru enepoko yna a. “Apimereke kutuisary kara mokyro,” mase. Moxiã poihtõko mexiase. Ytoko seromaroro osetapase imaro xine.