Juize 8:34 - Ritonõpo Omiry: A Bíblia Sagrada na língua Aparai do Brasil

³⁴ Axĩ tosẽkõ Ritonõpo omipona pyra toehse toto, topekõkara winoino typynanohtopõpyrykõ poko tuenikehse ropa toto.

Juize 8:34 ပူးပေါင်းရင်းမြစ်များ

Saumu 106:18

Toto marõkõ pona apoto toepukase, mokaro tyahkase, ajoajohpãkomo.

Saumu 106:21

Tuenikehse toh kynexine Ritonõpo Typynanohnekõ poko, inyrityã kurã poko roropa tyjamitunuru ke Ejitu po.

Saumu 78:11

Tuenikehse toh kynexine inyrityã kurã poko tyjamitunuru ke toto neneryme.

Saumu 78:42

Tuenikehse toto ijamitunuru imehxo ehtoh poko, typynanohtopõpyrykõ poko roropa eya tyzehnotokõ winoino,

Ekereziaxti 12:1

Wenikehpyra exiko Ritonõpo poko poetome ro awahtao: ẽmepyry tõ popyra exipyra ro ahtao, jeimamyry tõ roropa popyra exipyra ro ahtao. Morara ahtao: “Isene jehtoh yzamaro pyra toehse,” ãko mase.

Jeremia 2:32

Tõkyry tõ poko wenikehsaromepyra oryximã mana; tupõ kurã poko wenikehpyra niotakety mana. Yrome ypoetory tõ tuenikehse mã toto ypoko tuhke ẽmepyry ae, ikuhpỹme.

Jeremia 23:27

Osenetupuhnõko mã toto, tõsenehtohkõ ekaroryke eya xine ypoetory tõ wenikehkapõko mã toto ypoko, itamuru tõ ypoko wenikehtopõpyry sã tyneponãmarykõ Paau pokoino.

Ozeja 2:15

Moroto itupi tõ ekarõko ropa ase eya, uwa zoko tõkehko, tarykase exiketomo. Moro jakanahmã Ehxirotoh myakamãko ase Omõtoh kurãkõ eraximatohme. Moroto oturũko mana ya poetome toehtopõpyry samo tutũtase ahtao Ejitu poe.

Teuteronomiu 4:9

Naeroro tomeseke ehtoko anamonohpyra oehtohkõme, wenikehpyra oehtohkõme onenehpyrykõ poko. Morohne poko opoenõkõ zurutoko apakomotyã roropa

Juize 3:7

Mame Ritonõpo Tosẽkõ poko tuenikehse Izyraeu tõ kynexine. Tyyrypyrykõ poko toehse toto kananeu tõ neponãmarykõ eahmary poko toehse, Paau kuhtopo te, wewe risẽ Asera roropa.