Juize 7:7 - Ritonõpo Omiry: A Bíblia Sagrada na língua Aparai do Brasil

⁷ Ynara tykase Ritonõpo Kiteão a: — Moxiã 300mãkomo a, tomarykõ ae tuna enyhpõkomo, moxiã maro Izyraeu tõ pynanohnõko ase, mitianita tõ poremãkapõko ase. Mokaro imehnõ aropoko ropa esaka xine ropa.

Juize 7:7 ပူးပေါင်းရင်းမြစ်များ

Juize 7:6

300me orutua komo a tuna tanỹse, tomarykõ ae ẽtohme tunurukõ ke. Imehnõ emero tosekumuru po typorohse toto tuna ẽtohme.

Juize 7:8

Morara exiryke mokaro taropose ropa tytapyĩkõ taka ropa. 300mãkõ rokẽ imaro tõxinamase, mokaro napyrỹpyry emero tapoise eya xine, mokaro rue tõ maro emero. Mitianita tõ esary jakanahmã po kynexine ypy tõ myhto.

1 Samueu 14:6

Ynara tykase Jonata tymaro ytokety a: — Eropa, mokaro Ritonõpo omipona pyra exiketõ esaka, Ritonõpo a takorehmase kuahtao orẽpyra exĩko sytase tuhke pyra kuahtao ro.

1 Samueu 23:4

Naeroro tõturupose ropa Tawi Ritonõpo a. Mame tozuhse ropa ynororo: — Ytoko morotona, Keira pona. Ãkorehmãko ase pirixteu tõ poremãkatohme oya, tykase Ritonõpo Tawi a.