Juize 6:23 - Ritonõpo Omiry: A Bíblia Sagrada na língua Aparai do Brasil

²³ Yrome ynara tykase Ritonõpo eya: — Enaromyra exiko. Orihpyra mase. Osepeme sytase.

Juize 6:23 ပူးပေါင်းရင်းမြစ်များ

Jenexi 32:30

Ynara tykase Jako: “Ritonõpo eneno osẽpataka. Yrome orihpyra ywy, isene ro ase.” Naeroro moro tosehpase eya Penieume.

Jenexi 32:31

Xixi tutũtase, Penieu poe Jako toytose ahtao. Sekunahme toytose ynororo ipety tytemuhmase Ritonõpo nenyokyhpyry a exiryke.

Jenexi 43:23

Ynara tykase tapyi erase eya xine: — Torẽtyke pyra ehtoko. Enaromyra ehtoko. Ritonõpo Oesẽkomo, omykõ Esẽme roropa mana, kure rokẽ oritorỹko mana. Eya otarame otinerũkõ tyrise saku tõ aka tonahsã maro. Ya otinerũkõ tapoise topehmase oya xine ahtao. Mame Ximeão tonehse tapyi erase a eya xine.

Saumu 85:8

Ritonõpo omiry etãko ase; kyya xine, typoetory tomo a tõmiry etapõko mana kuewomarykõ poko, torẽtyke pyra kuehtohkõme eramara ropa kuahtao xine ajoajohpe kuehtohkõ pokona ropa.

Tanieu 10:19

Ynara tykase ynororo ya: — Opyno Ritonõpo mana, naeroro enaromyra exiko. Oewomaneme mana, torẽtyke pyra exiko. Emynyhmara exiko! Orẽpyra exiko! Mame morara tykase ynororo ahtao kure pohto sã exiase ropa. Ynara ase eya: — Oturuko ya, jamihme pohto kyriropa exiryke.

João 14:27

— Torẽtyke pyra oripotorỹko ase. Torẽtyke pyra ypoe exĩko matose. Jenetupuhpynõ poe torẽtyke pyra exipyra matose. Ypoe rokẽ torẽtyke pyra exĩko matose. Torẽtyke pyra ehtoko. Emynyhmara roropa ehtoko. Oserehpyra roropa ehtoko.

João 20:19

Morarame tykohmãse ahtao nomĩko ae ro tõximõse Jezu poetory tomo tapyi tao. Tapyi omõtoh tonõ tapuruse toto a, juteu tuisary tõ zuno toexirykõke. Morarame Jezu tooehse toto rãnaka. Ynara tykase ynororo eya xine: — Torẽtyke pyra ehtoko, tykase eya xine.

João 20:26

Toiro semana taropose ahtao tõximõse ropa Jezu poetory tomo, tapyi tao. Tome roropa toto maro kynexine rahkene. Tapyi tysorotohtose repe. Yrome Jezu tooehse toto rãnaka. Ynara tykase eya xine: — Torẽtyke pyra ehtoko, tykase ropa eya xine Jezu.

Romanos 1:7

Naeroro sero merõko ase onenerykõme Roma põkomo. Ritonõpo mã opyno xine ipunaka. Morara exiryke toahmase matose ipoetoryme oehtohkõme. Ynara ãko ase Ritonõpo a opoko xine: “Roma põkõ kure tyriko Papa. Torẽtyke pyra tyriko toto,” ãko ase. Morara ãko roropa ase Kuesẽkomo a, Jezu Kyrixtu a.

Juize 19:20

Ynara tykase mokyro tamuhpomã eya: — Ehmaropa ymaro ytapyĩ taka. Moroto kure nyhnõko matose. Ajohpãme sã jarao, pata rãnao nyhpyra ehtoko.

Juize 6:22

Moro eneryke tyya tonetupuhse Kiteão a, Ritonõpo nenyokyhpyry nymyry tonese tyya exiryke. Enaromỹke toehse ynororo, ynara tykase: — To! Ritonõpo Jesemy! Onenyokyhpyry eneno jẽpataka!

Juize 6:24

Mame apoto apõ tyrise Kiteão a Ritonõpo eahmatohme. Moro tosehpase eya “Ritonõpo poe torẽtyke pyra sytatose.” Moroto ro moro apoto apõ mana pata Opara po, Apieze ekyry tõ esao.