Juize 6:1 - Ritonõpo Omiry: A Bíblia Sagrada na língua Aparai do Brasil

¹ Moromeĩpo iirypyryme Izyraeu tõ toehse ropa Ritonõpo omipona pyra. Naeroro Mitiã põkomo a typoremãkapose toto Ritonõpo omi poe. Tyrohmanohpose toto eya xine 7me jeimamyry pona.

Juize 6:1 ပူးပေါင်းရင်းမြစ်များ

Jenexi 25:2

Toemũkuase ynororo 6me: Zinirã te, Jokosã te, Metã te, Mitiã te, Ixipake te, Sua, enara.

Jenexi 37:28

Mame osepekahketõ, mitianita tõ tooehse ahtao Joze touse ropa irui tomo a oramae. Tokarose ynororo eya xine 20me parata apoitohme. Mame Joze tarose Iximaeu tomo a Ejitu pona.

Apakuke 3:7

Kuxã põkõ enease torẽtyke, Mitiã põkõ roropa enaromỹke mã toto.

Numeru 22:4

Tõturuse Moape tõ mitianita tõ tamuximãkomo a, ynara tykase toto: — Senohne emero kuomye xine enahkãko mokaro imoihmãkomo, onahpoty enahkary samo pui orutua a. Mame moapita tõ tuisary, Parake a

Epereu 11:32

Ritonõpo enetupuhnanõ nae ro tuhke. Yrome okynã jexiry toto poko oururukohtao emero, Kiteão poko te, Parake te, Sãsão te, Jepete te, Tawi te, Samueu te, imehnõ urutõ kõ roropa.

Juize 10:7

Naeroro typenekehse Ritonõpo typoetory Izyraeu tõ poko, toto zehno toexiryke: “Teh,” tykase rokẽ ynororo tyyryhmase toto ahtao pirixteu tomo a, amonita tomo a roropa.

Juize 2:11

Mame iirypyryme toehse Izyraeu tomo, Ritonõpo Tosẽkõ omipona pyra toehse toto, imehnõ neponãmary toahmase eya xine, kananeu tõ samo.

Juize 6:13

— Ritonõpo yna maro ahtao oty katohme etuarimãko ynanae? tykase Kiteão eya. — Otara toehse Ritonõpo nyrityã pake ahtao? Morohne poko turuse yna, yna tamuru tomo a; tyjamitunuru ke Izyraeu tõ tonehse Ritonõpo a Ejitu poe. Yrome eya turumekase yna, tokarose yna mitianita tomo a.