Juize 5:28 - Ritonõpo Omiry: A Bíblia Sagrada na língua Aparai do Brasil

²⁸ Xisera eny tõsenuhmase, osenuhmatoh ae, tytapyĩ tae, Okynahxo tõsenuhmase, kamisa moino, osenuhmatoh ae, ynara tykase: “Oty katoh okynahxo oehpyra hnae ikanary?” “Oty katoh eky tõ kawaru, axĩ pyra oehnõko nae?”

Juize 5:28 ပူးပေါင်းရင်းမြစ်များ

2 Tuisa 1:2

Mame tuisa Akazia toepukase kaino zara poe tytapyĩ konõto tao Samaria po. Jetũ toehse kynexine pitiko rokẽ pyra. Naeroro typoetory taropose eya Paau-Zepupe, pirixteu tõ neponãmary a, pata Ekorõ po, ekaropotohme toekurãkary ropa poko.

Porowepio 7:6

Pake hkopyra osenuhmãko exiase osenuhmatoh ae ytapyĩ tao,

Kãtiku 2:9

Ypyno exikety kapau sã mana, kapau mũkuru samo. Mose apuru moino ypyno exikety mana, jarao osenuhmãko tapyi taka osenuhmatoh ae. Tera kuroko jenẽko mana,

Kãtiku 8:14

Osehko axiny ypyno exikety, tururume kapau samo, kapau mũkuru tõ samo pyhseky ãko ypy po, typoxine exiketõ po. Enara rokene.

Tiaku 5:7

Jakorõ tomo, penekehpyra ehtoko Kuesẽkõ eraximary poko. Aepyry ropa momohnõko matose. Tupito esã mã penekehpyra tỹkyryry epery eraximary poko. Konopo oepyry eraximãko mã toto otyro ẽxihtatoh po. Imeĩpo tuãtasehxo otyro ahtao konopo oehnõko ropa mana. Konopo oepyry eraximary poko penekehpyra roropa esã mana.

Juize 4:15

Tõsetapapitose Parake tõ ahtao tysoutatu tõ maro, putupyra Xisera tõ tyripose Ritonõpo a isoutatu tõ maro. Otupĩko toh kynexine Xisera kanary tõ aronanõ maro. Mame tykanary turumekase Xisera a, pupu po toepase ynororo.

Juize 5:27

Toepukase ynororo tosekumuru po, ipupuru myhtokoxi. Imihme toepukase nohpo myhtokoxi. Imyhtokoxi, tosekumuru po toepukase; nono pona, toorihse.

Juize 5:29

Epe tõ, tuaro exiketomo a tozuhse, Tyya rokẽ morohne tozuhzomose ropa, tyya rokẽ tõsezuhse ynororo.