Juize 5:24 - Ritonõpo Omiry: A Bíblia Sagrada na língua Aparai do Brasil

²⁴ Tãkye kuhse mokyro nohpo, Jaeu, Hepea pyty, keneume exikety. Imehnõ nohpo tõ tytapyĩ taõkõ motye, tãkyehxo mã ynororo.

Juize 5:24 ပူးပေါင်းရင်းမြစ်များ

Jenexi 14:19

Kure rokẽ Aparã tyripose Meukizeteke a, ynara tykase ynororo: — Kure rokẽ Aparã ripõko ase Ritonõpo Imehxo Exikety a, kapu Rihpõme nono roropa Rihpõme mã ynororo.

Porowepio 31:31

Zae rokẽ mokyro ekarotoko inyrihpyry pokoino, kure rokẽ aexiry ekarotoko imehnõ netaryme, emero porehme.

Ruka 1:28

Morarame nohpo a toytose Ritonõpo nenyokyhpyry. — Oehno kene! tykase. — Oserehpyra ke exiko orymo. Kuesẽkõ amaro mana, kure rokẽ oriry se mana. Opyno mana, tykase ynororo eya.

Ruka 1:42

Opore ynara tykase Izapeu eya: — Kurãme mase tyrise, imehnõ nohpo motye, Ritonõpo mũkuru ẽme oexiryke. Kurãme tyrise roropa omũkuru mana, awakuru aono.

Juize 4:17

Xisera rokẽ toepase Jaeu tapyĩ taka, Hepea pyty, keneume exikety. Toytose ynororo morotona, tosẽ Japĩ, Hazoa esemy, Hepea epeme exiryke.

Juize 4:19

— Ajohpame sã tuna se hano jokuru; tuna se toehse ywy, tykase Xisera eya. Kutehi totapuruhmakase nohpo a pui suhsu ekarotohme eya. Tõse eya ahtao, tyõtose ropa ynororo nohpo a.

Juize 5:25

Tuna tokaropose Xisera a, yrome pui suhsuru tokarose eya; isuhsuru risẽ tonehse eya kasana kurã ao.