Juize 5:15 - Ritonõpo Omiry: A Bíblia Sagrada na língua Aparai do Brasil

¹⁵ Isakaa tõ tamuximãkõ Tepora maro toytose. Aõ, Isakaa tõ toytose, Parake roropa. Tokahmase ynororo eya xine jakanahmã pona. Yrome Rupẽ tõ atae pyra toh kynexine; tõsezusezuhse toto, mame ytopyra tokurehse toto.

Juize 5:15 ပူးပေါင်းရင်းမြစ်များ

Jenexi 35:23

Typyty Reia maro toemũkuase 6me: Rupẽ osemazupu te, Ximeão te, Rewi te, Juta te, Isakaa te, Zepurõ, enara.

1 Koronika 12:32

Isakaa: 200me tuisa tomo, typoetory tõ maro. Mokaro tamuximãkõ tuaro exiketõme toh kynexine zae Izyraeu tõ ritoh poko te, otara ahtao kurehxo moro ritohme roropa.

Porowepio 22:13

Akĩme exikety tũtara mana tytapyĩ tae: otarame jytoryhtao jarãnaka jesekãko reão mana, ãko mã ynororo.

Atos 15:39

Morarame tõsezusezuhxĩpo xine tãtapiakase toto. Mame Panape a João Maku tarose toytotozome Xipere pona.

Atos 20:13

Morarame wapu ae ynanytoase Asoso pona Pauru eporyse ropa, pupu po rokẽ toytose exiryke.

2 Korĩtiu 11:2

Torẽtyke ase opoko xine, torẽtyke Ritonõpo ehtoh samo opoko xine. Omykõme sã jexiryke torẽtyke ase. Jẽxiryme sã, orutua maro exipitopỹ sã matose ya. Oewomatorỹko sã ase roropa toirõ pytyme sã oehtohkõme. Toiro rokẽ pyno exikety tynio nymyry pyno exiketyme mana. Morararo Kyrixtu pyno yronymyryme oehtohkõ se ase, imehnõ poko pyra oehtohkõme ipunaka. Imeĩpo oekarorykõ se ase Kyrixtu a kurãkõme, tyyrypyhpyke pyra exiketõme.

Juize 4:10

Moroto Zepurõ tõ orutua kõ tonehpose Parake a, Napatari tõ maro Ketese pona. 10 miumãkõ tõximõse toto imaro toytotohkõme. Tepora roropa toytose imaro.

Juize 4:14

Mame ynara tykase Tepora Parake a: — Ytoko seromaroro. Seroae Xisera poremãkapõko Ritonõpo oya xine mana. Amaro xine Ritonõpo mana. Morara exiryke tyhtose Parake ypy Tapoa poe 10 miume soutatu tõ maro.

Juize 4:6

Mokyro a Parake, Apinoão mũkuru tonehpose tyya, pata Ketese po ynororo ahtao, Napatari nonory po. Ynara tykase ynororo eya: — Ritonõpo, Izyraeu tõ Esẽ mã ynara tyripõko oya: “10 miume orutua kõ imenekako Napatari tõ wino Zepurõ tõ wino roropa, toto arotohme ypy Tapoa pona.

Juize 5:16

Oty katohme tehme se rokẽ toehse toh nae moroto kaneru tõ maro? Kaneru erase omiry etatohme, toky tõ kohmary poko? Ỹ Rupẽ tõ atae pyra toh kynexine; tõsezusezuhse toto, mame ytopyra tokurehse toto.