Juize 5:14 - Ritonõpo Omiry: A Bíblia Sagrada na língua Aparai do Brasil

¹⁴ Eparaĩ poe tutũtase toto, Amareke tõ nonohpyry poe, toytose toto jakanahmã pona. Pẽjamĩ tõ mykapo, imoihmãkõ maro. Makia poe tuisa tõ tyhtose, Zepurõ poe roropa soutatu tuisary tõ tooehse.

Juize 5:14 ပူးပေါင်းရင်းမြစ်များ

Jenexi 35:22

Morarame moroto Jako tõ toehse ahtao, imũkuru Rupẽ Pira poko toehse tumy pyty poetory, yrome ipytyme ro. Moro waro toehse Jako ahtao tyekĩtapãse ynororo.

Jenexi 35:23

Typyty Reia maro toemũkuase 6me: Rupẽ osemazupu te, Ximeão te, Rewi te, Juta te, Isakaa te, Zepurõ, enara.

Jenexi 35:24

Rakeu maro toemũkuase asakoro: Joze te, Pẽjamĩ, enara.

Saumu 68:27

Pẽjamĩ tõ oehnõko osemazuhme, jekyry tuhke hkopyra exiryke; mokaro mykapo Juta tamuximãkõ oehnõko tyekyry tõ maro; mokaro mykapo Zepurõ tõ tamuximãkomo te, Napatari tõ tamuxiry tõ maro.

Ozeja 5:8

Rue etotoko Kipea po, Rama po roropa. Okohtatoko opore ahno enaroximatohme Pete-Awẽ po! Õkae xine enetoko orutua komo Pẽjamĩ tomo!

Juize 12:15

Mame toorihse ynororo, ekepyry tonẽse pata Piratõ po, Eparaĩ nonory po, ypy tõ nonory po, amarekita tõ nonory po.

Juize 3:13

Oximaro Ekorõ toehse amonita tõ maro te, amarekita tõ maro etonatohme Izyraeu tõ maro. Jeriko tapoise eya xine airiki panõ tõ esary.

Juize 3:27

Morotona toeporehkase ynororo ahtao ypy tõ Eparaĩ pona, rue totose eya kaneru retyry, Izyraeu tõ orutua kõ kohmatohme etonatohme. Tarose toto eya yhtõko ypy tõ poe.

Juize 4:10

Moroto Zepurõ tõ orutua kõ tonehpose Parake a, Napatari tõ maro Ketese pona. 10 miumãkõ tõximõse toto imaro toytotohkõme. Tepora roropa toytose imaro.

Juize 4:14

Mame ynara tykase Tepora Parake a: — Ytoko seromaroro. Seroae Xisera poremãkapõko Ritonõpo oya xine mana. Amaro xine Ritonõpo mana. Morara exiryke tyhtose Parake ypy Tapoa poe 10 miume soutatu tõ maro.

Juize 5:13

Mame toytose toto, enetuputyhpõkomo tutuisarykõ esaka, Ritonõpo Kuesẽkõ poetory tomo, tõsetapatohkõ eraximaryme, mame toytose toto oseporyse Parake maro.