Juize 5:12 - Ritonõpo Omiry: A Bíblia Sagrada na língua Aparai do Brasil

¹² Owõko, Tepora, owõko! Owõko! Eremiako! Owõko! Ytoytoko, Parake, Apinoão mũkuru, oepekõkara aroko anamoto tõme, anapoihpyrykomo.

Juize 5:12 ပူးပေါင်းရင်းမြစ်များ

Saumu 108:2

Ykyryry tõ haapa, rira roropa apakatoko! Xixi ẽpakãko ase ẽmepyryme.

Saumu 57:8

Apakako, ukurohtao! Ykyryry tõ haapa, rue roropa apakatoko! “Xixi apakako,” ase ẽmepyryme.

Saumu 57:9

“Ritonõpo, kure mase,” ãko ase ahno tõ rãnao. Oeahmãko ase imoihmãkõ rãnao.

Saumu 68:18

Tõnuhse ynororo kakoxi, tynamoto tõ tuhkãkõ tarose tymaro; ahno nekarotyã tapoise eya, aomiry onymoipyra exiketõ nekarotyã roropa tapoise eya. Moroto Ritonõpo Kuesẽkõ ehse exĩko mana.

Izaja 14:2

Izyraeu tõ akorehmãko imehnõ nonory põkõ mana, toytorykõ poko tynonorykõ pona ropa, Ritonõpo nekarohpyry pona eya xine. Moroto Izyraeu tõ namotome erohnõko mã toto imehnõ nonory põkomo. Typoetoryme tapoihpõkõ rĩko Izyraeu tõ mana, tyrohmanohponanõ esẽme exĩko mã toto.

Izaja 33:1

Popyra ehtoh oehnõko oya myhene, imehnõ enahkapone, yrome oenahkara ro imehnõ mana! Popyra ehtoh oehnõko oya, ewokane yrome oewokara ro imehnõ mana! Imehnõ tonahkakehse ahtao oya, tonahkasẽme exĩko mase; imehnõ towokakehse ahtao oya towokasẽme exĩko mase.

Izaja 51:17

Apakatoko, Jerusarẽ põkomo. Apakatoko owõtohkõme! Eukuru sã awãnohtohkõ tõse oya xine, Ritonõpo nekarohpyry, ozehno xine aehtopo; tõse oya xine porehme, toetỹse exikety sã osetapãko matose.

Izaja 51:9

Apakako Ritonõpo, yna akorehmako! Ajamitunuru ke yna ipynanohko, onyrihpyry sã pake ahtao, yna tamuru tõ isene ahtao. Oya ihpory Raape tysahsahkase tuna konõto kuao, mokyro totapase oya.

Izaja 60:1

Owõko, pata Jerusarẽ! Ah oẽmyty saerehkatoh sã nexino tãkye oehtoh ke, tõmehse exiryke opona xine. Ritonõpo saerehkaneme sã saereh ãko mana opona xine.

Jeremia 31:26

Mame typakase ywy tõseremase, kure nexiase jynyhtopõpyry ya.

1 Korĩtiu 15:34

Toitoine matose Ritonõpo waro pyra. Morara ãko ase ohxirotohkõme. Ajoajohpe oehtohkõ irumekatoko. Zae ehtoh poko osenetupuhtoko. Oorypyrykõ poko pyra ehtoko ipunaka.

Epezu 4:8

Ynara tymerose Kyrixtu poko, Ritonõpo omiryme: “Tonukuruhtao kakoxi tuhkãkõ tynyporemãkapotyã tarose tymaro. Mame ekarory se toehtoh tonõ tokarose eya ahno tomo a,” tykase.

Epezu 5:14

Ynara exiryke, emero tonepose ahtao saereme sã exĩko, jarao exĩko mana. Morara exiryke ynara tymerose imepyny a: “Nyhkety, apakako ty. Oẽsemãko ropa orihxĩpo, mame Kyrixtu saereh ãko mana opona,” me tymerose.

2 Timoteu 2:26

Otarãme eramãko ropa toh mana joroko tamuru winoino. Inapurutoh tae tũtãko ropa toh mana. Otarame omi kurã omipona pyra aehtyã ekurãkãko ropa toh mana Ritonõpo poe, enara.

Juize 5:13

Mame toytose toto, enetuputyhpõkomo tutuisarykõ esaka, Ritonõpo Kuesẽkõ poetory tomo, tõsetapatohkõ eraximaryme, mame toytose toto oseporyse Parake maro.