Juize 5:11 - Ritonõpo Omiry: A Bíblia Sagrada na língua Aparai do Brasil

¹¹ Etatoko ke! Imoihmãkõ, panaikato exiketõ, tuna pẽkamã tõ zomye exiketõ, oturũko mã toto orẽpyra Ritonõpo nyrityã poko, topetõkara poremãkatopõpyry poko Izyraeu tomo a! Mame Ritonõpo poetory tõ tyhtose typatarykõ pona.

Juize 5:11 ပူးပေါင်းရင်းမြစ်များ

Jenexi 24:11

Toeporehkase tahtao, kameru tõ tosekumurukõ po typorohkapose eya tuna eutary myhtokoxi, pata pũtokoxi. Kokonie pukuro kynexine, tuna puimatoh po nohpo tomo a.

Jenexi 29:2

Mame tõsenuhmase ahtao, ona rãnao, nono ahkahpyry tonese eya. Moro tuna eutary zomye tokykõ enenanõ oseruao tonese eya, tokykõ maro, kaneru tomo, poti tõ maro. Moro tuna eutary tapuruse kynexine topu konõto ke. Naeroro tuna ananỹsaromepyra enenanõ kynexine.

Jenexi 29:3

Tõximõse tokykõ enenanõ emero tahtao, topu tanỹse eya xine tuna anỹtohme tokykõ ohpatohme. Mame tõtyhkase tahtao xine topu tyrise ropa apuru.

Jo 29:7

Toytose jahtao oximõtoh taka apiakatoh tao, typorohse jahtao juize tõ maro,

Saumu 145:7

Kure oehtoh poko emero oturũko mã toto, eremiãko roropa mã toto tãtãkyemarykõme anamonohpyra oehtoh poko.

Saumu 71:15

Zae oehtoh ekarõko ase; ypynanopyryke oya ekarory poko kohmãnõko ase, josenetupuhtoh motyehxo moro ahtao ro.

Izaja 12:3

Tuna anymyry poko exiketõ samo, tutunazehnase ahtao. Moro saaro atãkyemãko matose typynanohse eya oexirykõ poko.”

Izaja 28:6

Apiakananomo a zae toehtoh se toto ehtoh ekarõko mana. Soutatu tomo pata ewomananomo a topetõkara wino orẽpyra toto ehtoh ekarõko mana.

Ramẽtasão 5:4

Tuna se yna ahtao, epekahnõko ynanase yna okurume; apotopokõ epehmãko roropa ynanase.

Ramẽtasão 5:9

Imehnõ etapananõ ytoytõko yna nonory poro. Naeroro tomeseke sã rokẽ tonahsẽ zupĩko ynanase yna orikyryino.

Mikeja 6:5

Ypoetory tomo, wenikehpyra ehtoko Parake, Moape tuisary osenetupuhtoh poko oritohkõme te, Paraão, Peoa mũkuru ezuhtopõpyry poko roropa eya. Wenikehpyra ehtoko emero ehtopõpyry poko jakanahmã Akaxia tõ poe oytotopõpyrykõ poko mya oeporehkatopõpyrykõ pona pata Kiukau pona. Wenikehpyra ehtoko oepetõkara poremãkatopõpyry poko ya opynanohtohkõme.

Teuteronomiu 22:24

mokaro asakoro arotoko pata omõtoh taka etapatohme topu tõ ke. Nohpo totapasẽme exĩko kui kui kara exiryke takorehmapotohme imehnomo a. Orutua totapasẽme exĩko imepỹ pyty poko toehse exiryke. Moro ke popyra ehtoh enahkapõko matose Izyraeu tõ rãnao.

Teuteronomiu 33:21

Nono kurehxo exikety tapoise eya xine, Ritonõpo nekarory po; tuisa esary tokarose eya xine. Ritonõpo omihpyry, inyripohpyry tõ roropa omipona toh nexiase, tõximõse ahno tõ tuisary tõ ahtao.”

Juize 11:40

ayaytory poko 4me ẽmepyry pune, jeimamyry punero, tyxitarykõ poko Jepete ẽxiry ehtopõpyry poko, Kireate põ ẽxiry.

Juize 5:8

Imehnõ neponãmarykõ tymenekase Izyraeu tomo a, naeroro etonatoh toehse esarykõ po. 40 miume orutua kõ ahtao ro, tywaratake pyra toh kynexine, osewomatoh pyra ipunaka!

1 Samueu 12:7

Morara exiryke tehme rokẽ ehtoko aporo, jomiry etatoko. Ritonõpo Kuesẽkõ nyrihpyry poko owenikehkapotorỹko ase ohxirotohkõme. Tyjamitunuru ke opynanopyatose, atamuru tõ maro.