Juize 5:1 - Ritonõpo Omiry: A Bíblia Sagrada na língua Aparai do Brasil

¹ Moro ẽmepyry ae Tepora toremiase Parake maro, Apinoão mũkuru maro. Ynara toremiase toto:

Juize 5:1 ပူးပေါင်းရင်းမြစ်များ

2 Samueu 22:1

Tawi eremiatoh moro, Ritonõpo eahmatohme, typynanohse tahtao, Sauu tõ winoino, imehnõ etapary se exiketõ winoino roropa. Mokaro winoino typynanohse tahtao toremiase ynororo, ynara tykase:

2 Koronika 20:21

Mame ekaropoxĩpo ahno a, eremiaketõ tymenekase Josapa a, tupõkõ kurã tamurupose eya xine toytotohme soutatu tõ esemazupurume, Ritonõpo eahmaryme. Ynara eremiãko toh kynexine: “Ritonõpo eahmatoko, Kuesẽkomo, Kypyno xine exiry jũme exikehpyra mana.”

2 Koronika 20:27

Moromeĩpo toeramase ropa soutatu tomo, Juta tomo, Jerusarẽ põkõ maro, tuisa Josapa toto esemazupurume kynexine. Tãkye rokẽ toytose ropa toto Jerusarẽ pona ropa. Tãtãkyemase toto topekõkara typoremãkapose Ritonõpo a exiryke. Morara exiryke orẽpyra toehse toto.

Jo 36:24

Sero nono põkõ emero Ritonõpo eahmãko mã toto inyriry poko. Omoro roropa wenikehpyra exiko mokyro eahmatohme.

Jo 38:7

Moro ẽmepyry ae senohne emero tyrise ahtao xirikuato tõ toremiase toto oximõme. Ynenyohtyã tykohtase toto tãkye toehtohkõke.

Saumu 18:1

Ritonõpo Jesemy, opyno ase ipunaka! Omoro mase jewomaneme.

Saumu 32:7

Omoro mase jotonẽtohme; jewomãko mase etuarimara jehtohme. Eremiãko ase imehnõ netaryme ypynanohtopõpyry poko oya, towomase jexiryke oya.

Exutu 15:1

Mame toremiase Moeze tomo Izyraeu tõ maro Ritonõpo Tosẽkõ eahmaryme. Ynara tykase toto: — Eremiãko ase Ritonõpo eahmaryme typoremãkapose toto eya exiryke, orẽpyrahxo toexiryke, kawaru tõ tomase eya, kawaru aronanõ maro tuna konõto kuaka.

Exutu 15:21

Mame toremiase Miriã, toto netaryme. Ynara tykase: — Eremiatoko Ritonõpo eahmaryme, typoremãkapose toto eya, Imehxo toehse ynororo ipunaka; kawaru tõ tomase eya, kawaru aronanõ maro tuna konõto kuaka.

Izaja 25:1

Ritonõpo, Jesẽme mase. Imehxo orĩko ase, oesety eahmãko ase, onyrityã kure kuhse exiryke; pake mosenetuputyase onyriry poko, zae morohne tyrise oya rahkene.

Izaja 26:1

Mame moro ẽmepyry toehse ahtao eremiãko Juta tõ mana, ynara ãko mã toto: Typatake sytatose jamihmã ke! Ritonõpo Kuewomanekõme mana, kypatarykõ apurume, Kypynanohnekõme mã ynororo.

Numeru 21:17

Naeroro Izyraeu tõ toremiase moro poko: “Eutary tomo, tuna ekaroko, soesoekaneme ehtoko, aomikãko sytatose eremiatoh ke.

Ruka 1:46

Mame toremiase Maria Ritonõpo netaryme:

Juize 4:24

Osetapakehpyra toh kynexine Japĩ maro, orẽpyrahxo toehse roropa toto mokyro enatyry pona ro.

Juize 4:4

Urutõme Ritonõpo poe Tepora kynexine, Rapitote pyty. Apiakaneme roropa kynexine ynororo, Izyraeu tõ akorehmaneme zae ehtoh riry poko.

1 Samueu 2:1

Mame tõturuse Ana Ritonõpo a. Ynara tykase ynororo: Tãkye kuhse ase Ritonõpo poko typynanohse jexiryke eya; inyrihpyry pokoino ehxiropyra ase. Exianãko ase yse pyra exiketõ poko. Tãkye rokẽ ase takorehmase jexiryke Jesemy a.