Juize 4:6 - Ritonõpo Omiry: A Bíblia Sagrada na língua Aparai do Brasil

⁶ Mokyro a Parake, Apinoão mũkuru tonehpose tyya, pata Ketese po ynororo ahtao, Napatari nonory po. Ynara tykase ynororo eya: — Ritonõpo, Izyraeu tõ Esẽ mã ynara tyripõko oya: “10 miume orutua kõ imenekako Napatari tõ wino Zepurõ tõ wino roropa, toto arotohme ypy Tapoa pona.

Juize 4:6 ပူးပေါင်းရင်းမြစ်များ

Saumu 7:6

Ritonõpo, owõko ty zehno oehtoh ke, jepetõkara yzehno ipunaka, iporemãkapoko toto! Xikihme exiko, kuakorehmako, zae ehtoh se oexiryke.

Saumu 89:12

Inikahpoe ehtoh tyrise oya, ikurenae ehtoh roropa. Ypy tõ Tapoa te, Heremõ maro oeahmãko mã toto tãkye toehtohkõke.

Saumu 89:13

Orẽpyrahxo mase! Ajamitunuru jamihme kuhse mana!

Jeremia 46:18

“Ywy, tuisame Exikety oturũko ase. Ywy ase Ritonõpo, Isene Exikety. Jesety mã Oesẽkomo, Jamihmehxo Exikety. Ypy Tapoa imehnõ ypy tõ motye kaehxo mana. Ypy Karameru roropa kaehxo mana tuna konõto epoe, morohne sã mokaro aehtyã osetapase amaro xine omotye xine jamihme mã toto, Ejitu põkomo.

Ozeja 5:1

— Etatoko ke oturuketomo! Otato ehtoko Izyraeu tomo! Etatoko tuisa tapyĩ taõkomo. Ahno apiakaneme matose zae ehtoh ritohme; naeroro tuãnohsẽme exĩko matose! Ahno apoitoh sã toehse matose Mixipa po, ypy Tapoa po roropa tarãpa sã toehse matose

Atos 13:47

— Ritonõpo yna enehpoase tarona moxiaro amorepase. Ynara nase ynororo yna a: “Oekarõko ase juteutõkara ezurume oehtohme, imeimehnõ pynanohneme oehtohme sero nono etyhpyry ponãmero, ypoetoryme toto ehtohme,” nase Ritonõpo yna a, tykase Pauru eya xine.

Epereu 11:32

Ritonõpo enetupuhnanõ nae ro tuhke. Yrome okynã jexiry toto poko oururukohtao emero, Kiteão poko te, Parake te, Sãsão te, Jepete te, Tawi te, Samueu te, imehnõ urutõ kõ roropa.

Jozue 1:9

Ynyripohpyry poko wenikehpyra exiko: “Jamihme exiko orẽpyra roropa exiko! Poremãpyra exiko, enaromyra roropa. Ynara exiryke Ywy, Ritonõpo Oesẽkomo amaro exikehpyra exĩko ase emero pata tõ pona oytoryhtao.”

Jozue 19:22

Mame mokaro nonory ehpiry moroto kynexine Tapoa pũto te, mya Saazima pona, Pete-Seme pona, tuna Joatão pona. Atapona 16me pata tõ kynexine, pata tõ pisarara roropa morohne zomye.

Jozue 19:32

Mame nono tokamose ropa 6me ehtopo Napatari tõ, oxiekyry tõ esaryme.

Jozue 19:35

Pata tõ tapuruse exiketõ apuru konõto ke ynara kynexine: Zitĩ te, Zea te, Hamate te, Rakate te, Kinerete te,

Jozue 19:37

Ketese te, Eterei te, Ene-Hazoa te,

Jozue 21:32

Napatari nonory poe pata Ketese tapoise eya xine Karirea po, ona maro, pata zomye exikety maro. Ketese tymenekase epaketõ morotona epatohme ahno tykarimotase ahtao. Hamote-Toa tapoise roropa jeresonita tomo a te, Karatã roropa, ona maro, pata tõ zomye exikety maro. Atapona oseruao pata tomo.

Juize 4:10

Moroto Zepurõ tõ orutua kõ tonehpose Parake a, Napatari tõ maro Ketese pona. 10 miumãkõ tõximõse toto imaro toytotohkõme. Tepora roropa toytose imaro.

Juize 5:1

Moro ẽmepyry ae Tepora toremiase Parake maro, Apinoão mũkuru maro. Ynara toremiase toto:

Juize 6:35

Tõmiry aronanõ tonyohse roropa Kiteão a orutua kõ kohmatohme Manase tomo, Asea tomo, Zepurõ tomo, Napatari tomo, enara. Mame toytose toto eya oximõme.

Juize 8:18

Mame tõturupose Zepa tomo a Saumuna maro: — Onoky sã nexiase toto, mokaro orutua komo, totapase oya xine Tapoa po? Tozuhse eya xine: — Asã toh nexiase ipunaka. Tuisa mũkuru tõ sã toh nexiase.

1 Samueu 10:3

— Morotoino mya ytõko mase wewe kurã pona Tapoa po. Moroto oseporỹko mase orutua kõ oseruaõkõ maro, Peteu pona ytoketomo, tynekarorykõ zahkatohme Ritonõpo eahmaryme. Toiro mokyro poti poenõ oseruao arõko mana; imepỹ mã wyi arõko oseruao roropa; imepyny uwa eukuru jehnahpyry arõko ẽ ao.

1 Samueu 12:11

Morararo opynanohnekõ tonehpose Ritonõpo a Kiteão te, Parake te, Jepete te, Samueu, enara ãkorehmatohkõme, oporemãkapopyra oepetõkara ehtohme. Towomaneke oexirykõke imehnõ zuno pyra toehse matose.