Juize 4:17 - Ritonõpo Omiry: A Bíblia Sagrada na língua Aparai do Brasil

¹⁷ Xisera rokẽ toepase Jaeu tapyĩ taka, Hepea pyty, keneume exikety. Toytose ynororo morotona, tosẽ Japĩ, Hazoa esemy, Hepea epeme exiryke.

Juize 4:17 ပူးပေါင်းရင်းမြစ်များ

Saumu 107:40

tãkye pyra toehtoh tonepose Ritonõpo a tuisa tõ poko iiryhmaneme toto exiryke. Toytoytorykõ poko taropose toto eya ona tonorẽ poro, osema pyra ehtoh poro.

Saumu 69:22

Naeroro otuhtoh riryhtao eya xine, ah nyporemãno, mokaro ryhmapotohme! Otuhtoh konõto riryhtao eya xine, ah tyyryhmasẽme nexĩ toto, toto wãnohtohme.

Porowepio 29:23

Imehnõ motye kure osekaroryhtao ahno a orẽnõko mana, yrome epyrypara ynororo ahtao aomiry etary se exĩko imehnõ mana.

Izaja 57:21

Oserematoh pyra oya xine mana,” ãko Ritonõpo mana popyra ehtoh poko exiketomo a.

Amoxi 2:16

Moro ẽmepyry toehse ahtao soutatu tõ jamihmãkõ, orẽpyrahxo exiketõ roropa typyrekõ pahnõko mã toto toepatohkõme. Ywy, Ritonõpo, oturũko ase.

Juize 4:16

Yrome Xisera tõ ikanary tõ maro tokahmase Parake tomo a Harosete-Hakojĩ pona. Xisera tõ tonahkase eya xine porehme.

Juize 4:18

Tytapyĩ tae tutũtase nohpo, Jaeu, mokyro Xisera maro ẽpatakãmase. Ynara tykase ynororo eya: — Omõko, tuisa, ytapyĩ taka. Enaromyra exiko. Naeroro tomõse ynororo. Nohpo a tonẽse ynororo tãty zopikoxi.

Juize 5:24

Tãkye kuhse mokyro nohpo, Jaeu, Hepea pyty, keneume exikety. Imehnõ nohpo tõ tytapyĩ taõkõ motye, tãkyehxo mã ynororo.

Juize 5:6

Isene ro Sãkaa ahtao, Anate mũkuru, isene ro Jaeu ahtao, Ytoytoketõ pyra kynexine osema tao, imehnõ esemary ae rokẽ toytose ahno.