Juize 4:14 - Ritonõpo Omiry: A Bíblia Sagrada na língua Aparai do Brasil

¹⁴ Mame ynara tykase Tepora Parake a: — Ytoko seromaroro. Seroae Xisera poremãkapõko Ritonõpo oya xine mana. Amaro xine Ritonõpo mana. Morara exiryke tyhtose Parake ypy Tapoa poe 10 miume soutatu tõ maro.

Juize 4:14 ပူးပေါင်းရင်းမြစ်များ

Jenexi 19:14

Mame Ro tutũtase oturutohme typaniry tõ maro. Ẽxiry tõ eraximãko toh kynexine pytatohme repe toto maro. Ynara tykase ynororo eya xine: — Atakimatoko axiny sero rumekatohme. Sero pata enahkãko Ritonõpo mana! Yrome Ro atahmãkaryme rokẽ tokarose eya xine.

Jenexi 44:4

Mame mya ytopyra ro toto ahtao, ynara tykase Joze tytapyĩ erase a: — Ytoko axiny mokaro orutua kõ ekahmata. Tõseporyse ropa toto ahtao oya ynara kaxiko eya xine: “Oty katoh kure ehtoh epehmãko matou popỹ ke?

2 Samueu 5:24

Mame imoihmãkõ ytoytory sã etaryhtao oya wewe tõ epozakuroko, ytotoko axiny. Toytose Ritonõpo osemazuhme mokaro pirixteu tõ poremãkapose.

Izaja 52:12

Seromaroro oytorykohtao axĩ pyra tũtãko matose, oeparykõ se pyra exĩko matose, Ritonõpo aarorykõ ke. Oewomatorỹko Izyraeu tõ Esẽ omye xine mana.

Mikeja 2:13

Osema rĩko Ritonõpo mana typoetory tõ tũtatohme pata tõ omõtoh ae tamoreme xine toytotohme. Tuisa konõtome Ritonõpo ytõko osemazuhme; ahno emero ekahmãko mã toto.

Teuteronomiu 9:3

Yrome seromaroro tuaro ehtoko, Ritonõpo Oesẽkõ ytõko osemazuhme oesemarykõ ae apoto samo, emero enahkatohme. Ahno tõ poremãkãko mana, toto enahkãko roropa mana. Mame aomihpyry ae ro oya xine, ytõko matose oepetõkara aropose, toto etapase roropa axiny.

Jozue 10:8

Ynara tykase Ritonõpo eya: — Mokaro tuisa tõ zuno pyra exiko. Toto poremãkapõko ase oya xine. Jamihme pyra toto ripõko ase.

Jozue 7:13

Owõko ropa. Moxiã rypyry irumekapoko Izyraeu tõ rypyry, toto osenepotohme ya kokoro, nuriame pyra toto ehtohme ya. Ywy Ritonõpo Oesẽkõ ynara ãko: “Izyraeu tomo, mõkomo kurãkãko matose. ‘Enahkatoko,’ ase oya xine. Morohne onenahkara awahtao xine oepekõkara onyporemãkasaromepyra matose.

Juize 19:28

— Owõko ty! Eropa ropa, tykase inio repe. Onezuhpyra kynexine. Naeroro ekepyry tyrise eya jumẽtu pona toytotohme tytapyĩ taka.

Juize 4:10

Moroto Zepurõ tõ orutua kõ tonehpose Parake a, Napatari tõ maro Ketese pona. 10 miumãkõ tõximõse toto imaro toytotohkõme. Tepora roropa toytose imaro.

Juize 7:9

Koko tykohmãse ahtao, ynara tykase Ritonõpo Kiteão a: — Owõko etonatohme mitianita tõ maro. Tuaro ase toto poremãkãko matose.

1 Samueu 9:26

Mame Sauu tynyhse rahkene moroto. Mame tõmehse ahtao Sauu tykohmase Samueu a. Ynara tykase eya: — Owõko, oytotoh po ropa nase seromaroro. Amaro ytõko ase pitiko rokene. Mame Sauu towõse rahkene toytotohme ropa. Samueu maro toytose ynororo osema taka.