Juize 4:10 - Ritonõpo Omiry: A Bíblia Sagrada na língua Aparai do Brasil

¹⁰ Moroto Zepurõ tõ orutua kõ tonehpose Parake a, Napatari tõ maro Ketese pona. 10 miumãkõ tõximõse toto imaro toytotohkõme. Tepora roropa toytose imaro.

Juize 4:10 ပူးပေါင်းရင်းမြစ်များ

1 Tuisa 20:11

Mame tozuhse toto tuisa Akape a: — Kaxiko tuisa Pẽ-Hatate a: “Soutatu nymyry tãtatapoikehse ahtao rokẽ epyrypãko mana. Osetapara ahtao ro epyrypara mana,” tykase.

Saumu 68:28

Ritonõpo, ajamitunuru enepoko yna a, ajamitunuru ke takorehmase yna exiryke.

Exutu 11:8

Etyhpyryme ynara tykase Moeze: — Opoetory tõ esã emero jupĩko mã toto, tosekumuru po porohnõko mã toto jẽpataka, “Ajohpãme sã ytotoko taroino. Izyraeu tõ aroko porehme,” ãko mã toto. Moromeĩpo ytõko ase. Tutũtase Moeze tohne tuisa oturutoh poe.

Juize 4:14

Mame ynara tykase Tepora Parake a: — Ytoko seromaroro. Seroae Xisera poremãkapõko Ritonõpo oya xine mana. Amaro xine Ritonõpo mana. Morara exiryke tyhtose Parake ypy Tapoa poe 10 miume soutatu tõ maro.

Juize 4:6

Mokyro a Parake, Apinoão mũkuru tonehpose tyya, pata Ketese po ynororo ahtao, Napatari nonory po. Ynara tykase ynororo eya: — Ritonõpo, Izyraeu tõ Esẽ mã ynara tyripõko oya: “10 miume orutua kõ imenekako Napatari tõ wino Zepurõ tõ wino roropa, toto arotohme ypy Tapoa pona.

Juize 5:15

Isakaa tõ tamuximãkõ Tepora maro toytose. Aõ, Isakaa tõ toytose, Parake roropa. Tokahmase ynororo eya xine jakanahmã pona. Yrome Rupẽ tõ atae pyra toh kynexine; tõsezusezuhse toto, mame ytopyra tokurehse toto.

Juize 5:18

Yrome Zepurõ tõ toorikyrykõ zuno pyra toh kynexine, Napatari tõ maro; toytose toto etonatoh pona.

Juize 6:35

Tõmiry aronanõ tonyohse roropa Kiteão a orutua kõ kohmatohme Manase tomo, Asea tomo, Zepurõ tomo, Napatari tomo, enara. Mame toytose toto eya oximõme.

1 Samueu 25:27

Ajohpãme sã senohne, ynenepyhpyry apoiko anapyrykõme.