Juize 3:20 - Ritonõpo Omiry: A Bíblia Sagrada na língua Aparai do Brasil

²⁰ Sokohme tuisa kynexine, tosao, zara po. Ameke pyra toeporehkase Eute, ynara tykase: — Omi nae ase Ritonõpo poe ourutohme. Towõse tuisa.

Juize 3:20 ပူးပေါင်းရင်းမြစ်များ

2 Samueu 24:12

— Ytoko, Tawi a, ynara kaxiko eya: “Oseruao imenekatoh ekarõko Ritonõpo mana oya, toiro imenekako tyripotohme Ya. Mame onymenekahpyry rĩko ase,” ãko Ritonõpo mana. Yrokokoro towõse Tawi ahtao

Neemia 8:5

Moroto Extara nexiase zara pitiko po, kaehxo, imoihmãkõ epoe. Mokyro enẽko toh nexiase emero. Pape totapuruhmakase ahtao eya, xikihme toehse toto emero.

Saumu 29:1

Kuesẽkõ eahmatoko, Ritonõpo nenyohtyamo; imehxo aehtoh eahmatoko, jamihmehxo aexiryke eahmatoko roropa.

Jeremia 10:7

Onoky ouno pyra hnae, emero nono põkõ Esẽme mase? Kure kuhse mase yna a, imehxo oexiryke. Imepỹ pyra mana asã exikety, tuaro exiketõ rãnao, ahno tuisary tõ rãnao.

Jeremia 36:22

Ikonoporyme nexiase, kuenime, tytapyĩ ikonoporyme ehtoh tao tuisa nexiase, typorohse apoto pũto.

Amoxi 3:15

Tapyi tõ enahkãko ase: ikonopory tapyi tomo, jeimamyry tapyi tõ roropa; tapyi tõ typyne exiketomo, maafim risẽ emeporyme exiketõ emero porehme enahkãko ase. Ywy, Ritonõpo, oturũko ase.

Mikeja 6:9

Ritonõpo oturũko mana Jerusarẽ põkomo a. Etatoko ke! Tomeseke sã aomiry etananõ tuaro exiketõme mã toto. Ynara ãko mana: — Otato ehtoko tuãnohse awahtao xine, Kuenetupuhtoko roropa!

Numeru 23:18

Sero omi tokarose Paraão a Parake netaryme: “Osehko Parake, Zipoa mũkuru, etako ke ynekarory oya.

Juize 3:19

Mame toeramase ropa ynororo, topu tõ risẽ poe, Kiukau pũto, tuisa zuruse, ynara tykase ynororo: — Tuisa, omi nae ase ourutohme tokare pyra exikety. Mame moro tae imehnõ tutũtanohpose tuisa a. Tutũtase toto porehme.

Juize 3:21

Mame tomary ke typozery wino, rato pohsuimano touse tapotunuru winoino Ekorõ tuose zuakuru pokona.