Juize 21:5 - Ritonõpo Omiry: A Bíblia Sagrada na língua Aparai do Brasil

⁵ Tõturupose toto: — Izyraeu tõ oxiekyryme exiketõ poe emero, onokãkõ rokẽ onuhpyra tokurehse oximõtoh pona, Mixipa pona, Ritonõpo ẽpataka? Apitoryme tõmirykõ totapose Ritonõpo a: ytopyra exiketõ oximõtoh taka, Ritonõpo ẽpataka, Mixipa pona, mokaro mã totapasẽme ytopyra toehse toto exiryke.

Juize 21:5 ပူးပေါင်းရင်းမြစ်များ

Jeremia 48:10

Popyra ehtoh enehpoko mokyro ajoajohpe rokẽ Ritonõpo nyripohpyry poko exikety! Popyra ehtoh oehnõko mokyro a soutatume ahtao yrome onuopyra ynororo ahtao!

Juize 21:1

Tõmirykõ totapose Izyraeu tomo a Ritonõpo netaryme Mixipa po: — Kuẽxirykõ onekaropyra sehtone Pẽjamĩ tomo a emero porehme, toto pyxiãme, tykase toto.

Juize 21:18

Yrome kuẽxirykõ onekarosaromepyra sytatose ipyxiãkõme. Morara tykase toto, ynara tykase toexirykõke: “Popyra mokyro ripõko sytatose Ritonõpo a aorihtohme tõxiry ekaroryhtao Pẽjamĩ tomo a ipytyme.”

Juize 21:6

Izyraeu tõ toenupunase tyekyry tõ poko, Pẽjamĩ tõ poko, ynara tykase toto: — Seroae toiro oxiekyryme exiketõ tonahkase Izyraeu tomo a.

Juize 5:23

“Pata Meroze popyra tyripoko,” ãko Ritonõpo nenyokyhpyry; “Popyra tyripoko, moro pata põkõ popyra tyripoko, oehpyra toto exiryke Ritonõpo akorehmase, soutatume oehpyra tokurehse toto osetapase Ritonõpo poetoryme.”

1 Samueu 11:7

Pui tapoise eya asakoro. Mame tysahsahkase toto eya aropotohme Izyraeu patary tõ punero tõmiry maro, ynara tykase: — Sero sã oekykõ tysahsahkasẽme exĩko mana oehpyra awahtao xine Sauu tõ akorehmase Samueu maro etonatoh poko, tykase. Mame Izyraeu tõ emero Ritonõpo kurũke oximõme tooehse toto Sauu ekahmase.

1 Samueu 14:24

Morarame Izyraeu tõ emero tapotũkehse, jamihme pyra toehse tomirykõke, Sauu omihpyry pokoino: “Popyra exĩko mã toto emero tonahsẽ enapyryhtao jepetõkara onyporemãkara ro jahtao.” Morara exiryke otuhpyra tykohmãse toto.