Juize 20:31 - Ritonõpo Omiry: A Bíblia Sagrada na língua Aparai do Brasil

³¹ Pẽjamĩ soutatu tõ tutũtase osetapase. Amekehxo toehse toh kynexine pata a. Apitoryme sã ahno totapapitose eya xine Peteu esema tao te, Kipea esemary ae te, ona po roropa. Izyraeu tõ totapase eya xine, otarame 30me.

Juize 20:31 ပူးပေါင်းရင်းမြစ်များ

Izaja 10:29

Ypy tõ kuroko esemary ae takuohse eya xine, sero koko ẽmehnõko mã toto Kepa po. Rama põkõ tykytyky ãko oserehnõko mã toto. Kipea põkõ, tuisa Sauu patahpyry poe, toepase mã toto.

Jozue 7:5

Tokahmase eya xine pata omõtoh poe topu ahkahpyry pona, 36mãkõ totapase eya xine toto yhtoryhtao. Izyraeu tõ typoremãse, enaromỹke toehse.

Jozue 8:17

Orutua kõ emero Ae põkõ toytose Izyraeu tõ ekahmase. Pata tapuruhmakase kynexine, soutatu pyra ipunaka kynexine ewomane pyra.

Juize 20:30

Ẽmepyry oseruaõ po toytose toto osetapase ropa Pẽjamĩ tõ maro. Soutatu tõ tosaka xine toytose toto tõsetapatohkõ eraximase Kipea etonie apitoryme toehtopõpyrykõ saaro.

Juize 20:32

Ynara tykase toto: — Mokaro poremãkãko sytatose apitoryme kuehtopõpyrykõ samo. Yrome ynara tykase Izyraeu tomo: — Sepatone aporo, kuekahmapotohkõme eya xine osema tõ pona.