Juize 20:19 - Ritonõpo Omiry: A Bíblia Sagrada na língua Aparai do Brasil

¹⁹ Yrokokoro Izyraeu tõ tõnuhse, osesarise pata Kipea pũtokoxi.

Juize 20:19 ပူးပေါင်းရင်းမြစ်များ

Jozue 3:1

Morarame Izyraeu tõ towõse Jozue maro pakeimo. Tosarykõ poe, jakanahmã Akaxia tõ poe, toytose toto tuna Joatão ehpikoxi. Anakuohpyra ro toto ahtao axĩtao rokẽ tõsesarise toh nexiase moroto.

Jozue 6:12

Yrokokoro towõse Jozue ẽmepyryme, Ritonõpo omiry ẽ kaxo, tarose oturuketomo a.

Jozue 7:16

Naeroro pakeimo towõse Jozue. Izyraeu tõ oxiekyry tõ tõsenepose atakenaka. Juta tõ tymenekase imenekatoh ke.

Juize 20:18

Mame Izyraeu tõ toytose Ritonõpo eahmatoh pona, Peteu pona. Moroto tõturuse toto Ritonõpo a: — Onokãkõ ytõko nah osemazuhme etonase Pẽjamĩ tõ maro? tykase toto. — Juta tomo, tykase Ritonõpo eya xine.

Juize 20:20

Tutũtase toto etonatohme Pẽjamĩ tõ maro. Tosarykõ tymenekase toto a pata etonie tõsetapatohkõ eraximatohme.