Juize 20:18 - Ritonõpo Omiry: A Bíblia Sagrada na língua Aparai do Brasil

¹⁸ Mame Izyraeu tõ toytose Ritonõpo eahmatoh pona, Peteu pona. Moroto tõturuse toto Ritonõpo a: — Onokãkõ ytõko nah osemazuhme etonase Pẽjamĩ tõ maro? tykase toto. — Juta tomo, tykase Ritonõpo eya xine.

Juize 20:18 ပူးပေါင်းရင်းမြစ်များ

Joeu 1:14

Imoihmãkõ eahmatoko Ritonõpo Tapyĩ taka toto ytotohme! Zurutoko toto toiro ẽmepyry ae otuhpyra toto kohmãtohme; tuisa tõ eahmatoko Juta tõ maro emero oximõtohme Ritonõpo Kuesẽkõ Tapyĩ tao, oturutoko eya kuakorehmatohkõme.

Numeru 27:21

Oturukety Ereaza omiry etãko mana ise jehtoh waro ehtohme. Ereaza ise jehtoh waro exĩko mana Urim eneryke eya Tumim maro. Moro ke Jozue amorepãko mana Izyraeu tõ maro ise jehtoh ritohme eya xine emero.

Numeru 27:5

Mokaro omiry tarose Moeze a Ritonõpo a.

Jozue 18:1

Morarame nono tytororo typoremãkase ahtao Izyraeu tomo a tõximõse toto pata Xiro po, Tapyi Ritonõpo maro Oturutoh ritohme.

Jozue 9:14

Morohne eneryke tyya xine mokaro omiry etaryke tyya xine, ajohpe pyra tokarose Izyraeu tomo. Ritonõpo a onekaropopyra toh toehse osemazuhme.

Juize 18:31

Moroto Mika nyrihpyry kynexine okynahxo mokaro maro, Ritonõpo tapyĩ Xiro po ahtao.

Juize 19:18

Ynara tykase rewita eya: — Ytõko ase Perẽ poe Juta nonory poe mya ypy tõ nonory pona, Eparaĩ tõ nonory pona, jesaka. Ytoase Perẽ pona, seromaroro ytõko ropa ase ytapyĩ taka. Yrome jeahmara tarõkõ mana tytapyĩkõ taka, jynyhtohme.

Juize 20:17

Imehnõ Izyraeu tõ tõximõse 400 miume soutatu tomo, tamorepase aexityamo.

Juize 20:19

Yrokokoro Izyraeu tõ tõnuhse, osesarise pata Kipea pũtokoxi.

Juize 20:7

Amarokõ emero Izyraeu tõme matose. Osenetupuhtoko, otara ãko sytatou?

1 Samueu 10:3

— Morotoino mya ytõko mase wewe kurã pona Tapoa po. Moroto oseporỹko mase orutua kõ oseruaõkõ maro, Peteu pona ytoketomo, tynekarorykõ zahkatohme Ritonõpo eahmaryme. Toiro mokyro poti poenõ oseruao arõko mana; imepỹ mã wyi arõko oseruao roropa; imepyny uwa eukuru jehnahpyry arõko ẽ ao.