Juize 19:10 - Ritonõpo Omiry: A Bíblia Sagrada na língua Aparai do Brasil

^10-11 Yrome mokyro rewita tynyhzomory se pyra toehse moroto. Toytopitose ynororo typyty maro, toky tõ jumẽtu asakoro maro, imõkomory maro. Mame kohmãsasaka kynexine, ameke pyra Jepu pona toehse tahtao xine, (Imeĩpo Jerusarẽ me tosehpase moro pata Jepu). Mame ynara tykase ipoetory tosemy a: — Oty katoh etypohpyra sytatou sero pata po, jepuseu tõ patary po?

Juize 19:10 ပူးပေါင်းရင်းမြစ်များ

2 Samueu 5:6

Morarame tuisa Tawi toytose soutatu tõ maro pata Jerusarẽ poremãkapose. Moro pata jepuseu tõ esaryme kynexine. Tosaka xine Tawi tõ omõsaromepyra tokarose toh repe. Naeroro ynara tykase toto eya: — Xiaro jũme omõpyra mase. Tonurãkara pata eraseme ahtao ro oẽmapopyra xine mã toto, pakaihkahnõme roropa toto ahtao oẽmapopyra xine mã toto, tykase jepuseu tomo.

Jozue 15:63

Yrome topekõkara, jepuseu tõ Jerusarẽ po exiketõ onenahkasaromepyra Juta tõ kynexine. Naeroro moroto ro mã toto seroae ro Juta tõ maro.

Jozue 15:8

Morotoino jakanahmã Pẽ-Hinõ takuohse, ypy jepuseu tõ nonory ikurenaka, pata Jerusarẽ pona. Morotoino Juta tõ nonory kynexine ypy emory pona te, jakanahmã Hinõ etonie, xixi omõtoh wino, jakanahmã Ahno konõto etyhpyry pona inikahpozakoxi.

Jozue 18:28

Zera te, Erepe te, Jepuse (Jerusarẽ) te, Kipea te, Kiriate-Jearĩ, enara. Atapona 14me pata tõ kynexine, moroto roropa pata pisarara tõ kynexine. Moro sã kynexine nono apoitopõpyry Pẽjamĩ tomo a tosarykõme.

Juize 1:8

Mame Juta tõ orutua kõ toytose etonase Jerusarẽ põkõ maro. Jerusarẽ tonahkase eya xine. Pata põkõ totapase eya xine. Pata tyahkase roropa eya xine.

Juize 19:9

Mame orutua toytopitose ahtao, typyty maro, typoetory maro, ynara tykase nohpo zũ eya: — Eneko ke! Seromaroro kohmãsasaka nase. Kurehxo taro onykyry. Okynã pyra kohmãnõko mana. Taro rokẽ exiko aporo. Kokoro pakeimo owõnõko mase oytotohme ropa atapyĩ taka.