Juize 18:5 - Ritonõpo Omiry: A Bíblia Sagrada na língua Aparai do Brasil

⁵ Ynara tykase toto eya: — Ajohpãme sã ekaropoko Ritonõpo a: “Orẽpyra exĩko ynanae yna erohtoh poko? Kure rokẽ oehnõko ropa ynanae?” tykase toto.

Juize 18:5 ပူးပေါင်းရင်းမြစ်များ

1 Tuisa 22:5

Yrome osemazuhme sekaropotone Ritonõpo Kuesẽkomo a.

2 Tuisa 16:15

Mame ynara tykase ynororo Uria a: — Ykyryry apoto apõ zumõ po, okyno zahkãko mase tytororo pakeimo, kokonie pukuro roropa tiriiku tõkehko zahkãko mase, moro po kynekarorykõ tytororo zahkãko mase, tiriiku tõkehko roropa tuisa nekaroryme, ahno nekaroryme te, eukuru jehnahpyry roropa ahno nekaroryme. Epona okyno munuru emero ikuãko. Yrome moro metau risẽ ikurãkako ya ekaropotohme Ritonõpo a, tykase.

Izaja 30:1

Ynara ãko Ritonõpo mana: “Popyra ehtoh oehnõko ypoenõ jomipona pyra exiketomo a. Osenetupuhnõko mã toto tynyrirykõ poko, yrome onekaropopyra mã toto ya. Tõmirykõ etapõko mã toto imehnomo a: ‘Moro riry kure,’ kara jahtao! Iirypyrykõ emãnõko mana.

Ezekieu 21:21

Papironia tuisary etypohnõko mana osema apiakatoh po. Tyrityã poe tuaro se ynororo tosemary menekatohme. Naeroro typyre wino asakoro pyrou anỹnõko mana, apotunuru wino, opozery wino, enara, tyneponãmary a ekaropõko mana, erery enẽko roropa mana, okyno erery totapase aexihpyry tynekaroryme.

Ozeja 4:12

Ekaropõko mã toto wewe risemy a: “Otara exĩko nae taroino?” Tuaro ehtoh ekaropõko mã toto wewe xikihmãkomo a. Turumekase ywy eya xine. Imeimehnõ poko exikety sã ywy turumekase eya xine imehnõ neponãmary tõ poko toehtohkõme.

Atos 8:10

Mokyro omiry etãko toh kynexine poetome exiketomo, ikaripãtyamo, enara. — Mokyro jamihme mana Ritonõpo poe, tykase toh repe.

Juize 17:13

Ynara tykase Mika: — Zuaro ase. Seromaroro Ritonõpo poe emero kure exĩko ya, rewita nae jexiryke, oturuketyme Ritonõpo a.

Juize 17:5

Osa nae Mika nexiase Ritonõpo poko ehtohme. Imehnõ ritõ panõ tyrise roropa eya, upo roropa tyrise eya Ritonõpo maro oturukety zupõme. Tumũkuru toiro tymenekase eya Ritonõpo maro oturuketyme ehtohme.

Juize 18:14

Ynara tykase mokaro 5mãkõ, tymarõkomo a: — Zuaro pyra hmatou, toiro sero tapyĩ tao ritõ panõ nae, wewe risemy jõtohpyry parata ke? Imehnõ ritõ nae roropa te, oturukety zupõ roropa. Otara enetupuhnõko matou? Oty rĩko sytatou?

Juize 18:4

Ynara tykase ynororo eya xine: — Mika maro tõturuse ywy ipoetoryme jehtohme. Jepehmãko mana Ritonõpo poko oturuketyme jehtohme imaro.

Juize 18:6

Ynara tykase oturukety eya xine: — Torẽtyke pyra ehtoko. Ritonõpo amaro xine exĩko mana seromaroro oytorykohtao.

1 Samueu 9:9

— Kure, tykase Sauu eya. — Eropa tuaro exikety a ekaropotohme, tykase. (Pake ahtao tuaro exiketyme urutõ tosehtose eya xine.) Mame urutõ patary pona toytose toto. Ypy pitiko pona tonukurukohtao, pata etonie, oryximãkõ tonese eya xine, tuna puimase ytoketomo. Mame tõturupose eya xine: — Taro tokoh urutõ nae? tykase toto.