Juize 18:27 - Ritonõpo Omiry: A Bíblia Sagrada na língua Aparai do Brasil

²⁷ Mika nyrityã tarose Tã tomo a, ipoetory roropa, oturukety tarose eya xine. Mame toytose toto osetapase Raixi põkõ maro, mokaro tehme exiketomo, osetapara exiketomo, imehnõ zehno pyra exiketomo. Moro pata põkõ totapase eya xine, ipatarykõ tyahkase eya xine.

Juize 18:27 ပူးပေါင်းရင်းမြစ်များ

Jenexi 49:16

“Tã tyekyry tõ tuisaryme exĩko mana. Imehnõ oxiekyry tõ sã exĩko mana, Izyraeu tõ ekyry samo.

Teuteronomiu 33:22

Tã tõ poko ynara tykase ynororo: “Reão mũkurume sã Tã tõ mana, pyhseky ãko Pasã nonory po.”

Jozue 11:11

Moro pata põkõ totapase Izyraeu tomo a emero porehme, pata tyahkase roropa eya xine.

Jozue 19:47

Mame Tã tõ nonory tupuxihkase ropa ahtao, toytose toto pata Raixi pona osetapase. Moro pata typoremãkase eya xine. Moro põkõ totapase eya xine. Inonorykõ tapoise eya xine tosarykõme. Pata Raixi esety tymyakãmase eya xine Tãme tytamurukõ esety ae ro.

Juize 18:10

Morotona toeporehkase awahtao xine morotõkõ enẽko matose imehnõ zuno pyra exiketomo. Toto nonory zumo mana. Emero ise ehtoh nae mana. Moro nono ekarõko Ritonõpo kyya xine mana.

Juize 18:26

Morara kaxĩpo Tã tõ orutua kõ toytose rahkene. Jamihmehxo toto exiry tonese Mika a; naeroro toeramase ropa ynororo tytapyĩ taka.

Juize 18:7

Mame mokaro 5mãkõ toytose moro poe, pata Raixi pona. Toeporehkase toto ahtao morotona, morotõkõ tonese eya xine, imehnõ zuno pyra, xitonio tõ samo. Osepeme toh kynexine, tehme rokene, oseosezuhpyra roropa toh kynexine imehnõ maro. Tymõkomoke, ise toehtohkõ emero nae toh kynexine. Atameke toh kynexine xitonio tomo a, imehnomo a roropa. Toiroro sã toh kynexine.

Juize 8:11

Tokare pyra Kiteão tõ toytose osema ae, ona ehpikuroko, Nopa poe xixi tũtatoh wino, Jokopea poe roropa. Tuaro pyra topekõkara ahtao totonase toto imaro xine.