Juize 18:20 - Ritonõpo Omiry: A Bíblia Sagrada na língua Aparai do Brasil

²⁰ Tãkye toehse mokyro rewita, ritõ panõ tõkehko tapoise eya. Toytose ynororo mokaro 5mãkõ enenanõ maro, soutatu tõ maro.

Juize 18:20 ပူးပေါင်းရင်းမြစ်များ

Porowepio 30:15

Rere, munu ẽneme exikety tõxike asakoro mana, esetykõ mã: “Ekaroko ya! Ekaroko ya!” Asakoropane: “Epo hnae!” kara exiketõ nae:

Izaja 56:11

Mokaro kaikuxi sã tyamene se mã toto, tynapyrykõ poko. Mokaro jeky kaneru tõ pyno exiketõ tuaro pyra mã toto; typenetatohkõ poko rokẽ mã toto, tyamene se rokẽ mã toto.

Ezekieu 13:19

Ime hkopyra jekarõko matose ypoetory tõ neneryme tonahsẽ pitiko apoitohme oya xine, wyi pitiko apoitohme oya xine. Ahno orihmapõko matose zae exiketomo, imehnõ pynanohnõko matose popyra exiketomo. Ajohpe oehtohkõke ypoetory tõ enekunohnõko matose, zaenato sã onekarory ma repe yrome ajohpe rokẽ matose.”

Ezekieu 21:21

Papironia tuisary etypohnõko mana osema apiakatoh po. Tyrityã poe tuaro se ynororo tosemary menekatohme. Naeroro typyre wino asakoro pyrou anỹnõko mana, apotunuru wino, opozery wino, enara, tyneponãmary a ekaropõko mana, erery enẽko roropa mana, okyno erery totapase aexihpyry tynekaroryme.

Ozeja 4:3

Morara exiryke sero nono tonore exĩko mana, isene exiketõ emero orihnõko mana. Okyno tõ orihnõko mã toto, onokyro tõ roropa, torõ tomo, kana tõ roropa, enara.

Rewitiku 26:1

Mame ynara tykase Ritonõpo Izyraeu tomo a: — Ritõ panõ, oneponãmarykõ onyripyra ehtoko ipunaka, ahno panono te, xikihme exikety eahmatohme te, topu risẽ imehnõ panõ axikahpyry eahmatohme. Mokaro oneahmara ehtoko; ywy Ritonõpo Oesẽkõme ase.

Atos 20:33

Imehnõ mõkomory poko penetara exiase, zupõkõ poko, itinerũkõ poko roropa.

Piripo 3:19

Typenetatohkõ poko se rokẽ mã toto. Ritonõpo oneahmara mã toto. Ihximyra mã toto tyyrypyrykõ kahpyry poko. Ipoko epyrypãko mã toto kure ehtoh poko samo. Senohne poko osenetupuhnõko mã toto, onenetupuhpynõ penetatoh poko tõkehko osenetupuhnõko mã toto. Naeroro ameke rokẽ exĩko mã toto Ritonõpo a. Etuarimatoh taka omõnõko mã toto.

2 Peturu 2:3

Tineru peneryke tyya xine tamoreme xine tõmihpyrykõ ekarõko mã toto. Ajohpe ãmorepatorỹko mã toto. “Iirypyryme mã toto ya,” tykase Ritonõpo pake mokaro poko. Toto enẽko Ritonõpo mana. Tuaro mana. Emero enẽko mana. Naeroro toto aropõko mana etuarimatoh taka.

Juize 17:10

— Ymaro exiko, tykase Mika. — Jamorepaneme exiko, oturuketyme Ritonõpo maro. Oepehmãko ase 10me parata ekarõko ase oya jeimamyry punero, upo maro te, tonahsẽ maro, enara, tykase eya ynororo.

Juize 18:19

Ynara tykase toto eya: — Mynyhme exiko. Oturupyra exiko. Yna maro eropa oturuketyme Ritonõpo a, yna amorepaneme roropa zae ehtoh poko. Yna ekyry tõ emero amorepaneme se pyra hma, oturuketyme roropa? Taro awahtao toiro tapyĩ taõkõ rokẽ oturuketyme mase.

Juize 18:21

Toeramase toto toytotohme ropa. Typoenõkõ tyrise osemazuhme eya xine, pui tõ maro tymõkomory maro. Mame toytose toto.