Juize 18:2 - Ritonõpo Omiry: A Bíblia Sagrada na língua Aparai do Brasil

² Naeroro Tã tomo a orutua kõ tymenekase 5me tuaro exiketomo, tyekyry tõ wino. Taropose toto pata Zora poe pata Exitaou pona osenuhmatohme nono waro toehtohkõme. Toytose toto ypy tõ nonory Eparaĩ pona, Mika tapyĩ taka nyhse.

Juize 18:2 ပူးပေါင်းရင်းမြစ်များ

Jenexi 42:9

Wenikehpyra kynexine Joze tõsenehtopõpyry poko toto poko. Ynara tykase ynororo eya xine: — Yna epekara matose. Yna enese moehtou, jamihme pyra yna ehtoh waro oehtohkõme.

Porowepio 20:18

Imehnõ zae exiketõ omiry zupiko orẽpyra oehtohme onyriry poko; etonatoh taka ytopyra exiko moro poko atamorepara ro awahtao.

Numeru 13:17

Mokaro tonyohse ahtao Moeze a nono enetohme ynara tykase eya xine: — Ytotoko inikahpozakoxi nono ikurenae poro, onuhtohme ypy tõ poro.

Ruka 14:31

— Morararo mã pata esemy typoetoke exikety tuhke 10.000me ipoetory tomo, soutatu tomo. Mame imepỹ oehnõko mana eya esary pynanohse, tosaryme. Mokyro mã oehnõko tuhke typoetoke 20.000me, soutatu tomo. Mame osemazuhme aporo pata esẽ porohnõko mana tõsenetupuhtohme aporo orẽpyra toexiry poko poremãpyra toehtohme.

Jozue 15:33

Mame pata tõ nono amimomã po ynara kynexine: Exitaou te, Zora te, Asanate te,

Jozue 19:41

Mame inonorykõ po pata tõ kynexine: Zora te, Exitaou te, Ia-Seme te,

Jozue 2:1

Mame tosarykõ poe, Akaxia po, enenanõ asakoro taropose Jozue a tokare pyra. Ynara tykase ynororo eya xine: — Mokaro nonory enetatoko, ipatarykõ Jeriko roropa ipoko tuaro oehtohkõme. Mame toytose toto. Moroto nohpo kynexine, esety Raape, orutua kõ poko exikety. Mokyro tapyĩ taka tomõse toto nyhse.

Jozue 2:2

Mame Jeriko tuisary turuse imehnomo a kynexine. Ynara tykase toto: — Izyraeu tõ toehse xiaro kynonorykõ enese, koko.

Juize 13:2

Orutua kynexine esety Manoa, pata Zora pono, Tã nonory po. Ipyty emũkuasaromepyra kynexine.

Juize 13:25

Mame ona po Tã tõ nonory po Sãsão kynexine, irãnao pata Zora poe Exitaou pona, tuaro toehpitose ahtao Ritonõpo Zuzenu tymaro exiry poko.

Juize 16:31

Mame ekepyry poko tooehse zakorõ tomo jekyry tõ maro porehme. Ekepyry tarose eya xine zonẽtohme irãnaka Zora poe Exitaou pona, jumy Manoa zonẽtopõpyry aka. 20me jeimamyry taropose Sãsão a Izyraeu tõ tuisaryme toehtoh poko.

Juize 17:1

Orutua kynexine esety Mika, ypy tõ nonory pono, Eparaĩ nonory po.

Juize 18:11

Naeroro 600me orutua kõ, Tã tõ oxiekyryme exiketõ toytose Zora poe Exitaou pona, typyrekõ ke etonatohme.

Juize 18:13

Morotoino toytose toto ypy tõ nonory poro Eparaĩ nonory pona. Toeporehkase toto Mika tapyĩ taka.

Juize 18:3

Moroto toto ahtao mokyro nuasemã rewita otururu totase eya xine. Aomiry etaryke tyya xine imepỹ pata põme aexiry tonetupuhse eya xine. Eya toytose toto ekaropose, ynara tykase toto eya: — Oty poko mah taro? Onoky a tonehse omoro tarona?

Juize 18:8

Mame mokaro 5mãkõ toeporehkase ropa ahtao tosaka xine Zora pona, Exitaou poe, tõturupose toto, tyekyry tomo a emero inenehpyrykõ poko.

Juize 19:1

Morarame tuisa konõto pyra Izyraeu tõ ahtao ro, rewita toytose mya ypy tõ nonory pona ehse, Eparaĩ tõ nonory pona. Nohpo tapoise eya Perẽ pono, Juta nonory pono typytyme ehtohme.

Juize 19:18

Ynara tykase rewita eya: — Ytõko ase Perẽ poe Juta nonory poe mya ypy tõ nonory pona, Eparaĩ tõ nonory pona, jesaka. Ytoase Perẽ pona, seromaroro ytõko ropa ase ytapyĩ taka. Yrome jeahmara tarõkõ mana tytapyĩkõ taka, jynyhtohme.