Juize 17:10 - Ritonõpo Omiry: A Bíblia Sagrada na língua Aparai do Brasil

¹⁰ — Ymaro exiko, tykase Mika. — Jamorepaneme exiko, oturuketyme Ritonõpo maro. Oepehmãko ase 10me parata ekarõko ase oya jeimamyry punero, upo maro te, tonahsẽ maro, enara, tykase eya ynororo.

Juize 17:10 ပူးပေါင်းရင်းမြစ်များ

Jenexi 45:8

Naeroro oya xine pyra tonehpose ywy xiaro. Ritonõpo a tonehse ywy. Eya tyripose ywy tuisamehxo, tuisa konõto akorehmaneme. Tuisamehxo tyrise ywy eya tytapyĩ tao te, tynonory kowenatume roropa, Ejitu nonory esẽme porehme.

2 Tuisa 13:14

Morarame urutõ Eriseu takuruhtase, ekurãkara ehtoh ke. Mame orihsasaka toehse ynororo ahtao tuisa Jeoa, Izyraeu tõ esẽ toytose mokyro enese. — Papa! Papa! tykase ynororo, tyxitaryme. — Omoro mase Izyraeu tõ ewomane. Orẽpyra mexiase, tykase.

2 Tuisa 2:12

Moro eneryke Eriseu a tykohtase ynororo: — Papa! Papa! Izyraeu tõ ewomane! Arypyra mase! Mame Eria onenepyra ropa toehse ynororo. Mame tãtasamaryke tupõ tyxihkase Eriseu a irãnakuroko.

2 Tuisa 6:21

Mame toto eneryke tyya, ynara tykase Izyraeu tõ esemy Eriseu a: — Moxiã etapãko ha? Toto enahkatohme? tykase.

Jo 29:16

Jũme exiase tymõkomokãkara a; ewomaneme exiase imehnõ nonory poe aepyhpyamo a.

Izaja 22:21

oupõ kurã ke mokyro zupohtopõko ase tuisa tapyĩ poko erohketõ tuisary zupõ ke. Ometỹ eary ekarõko ase eya, mame tuisame mokyro rĩko ase oehtopõpyry samo. Papame Eriakĩ exĩko Jerusarẽ põkomo a porehme, Juta tomo a roropa.

Ezekieu 13:19

Ime hkopyra jekarõko matose ypoetory tõ neneryme tonahsẽ pitiko apoitohme oya xine, wyi pitiko apoitohme oya xine. Ahno orihmapõko matose zae exiketomo, imehnõ pynanohnõko matose popyra exiketomo. Ajohpe oehtohkõke ypoetory tõ enekunohnõko matose, zaenato sã onekarory ma repe yrome ajohpe rokẽ matose.”

Mateu 26:15

Ynara tykase ynororo toto a: — Otãto tineru pixo ekarõko matou ya Jezu ekaroryhtao oya xine? tykase ynororo. Morara kary etaryke tyya xine tineru tokarose eya. 30me tineru tokarose eya.

João 12:6

Morara tykase ynororo ajoajohpe toexiryke. Tymõkomokãkara pyno nymyry pyra ynororo kynexine. Jezu poetory tinerũ eraseme kynexine, toitoine toto tinerũ touse eya tytinerũme.

1 Timoteu 6:10

Tineru poko penetanohtao xiaxiake iirypyry poko exĩko sytatose. Tytineruke se toexirykõke toitoine ipoetory tomo a Jezu turumekase. Emynyhmãko itamurume mã toto. Tukurohtao xine sam ãko toh mana.

1 Peturu 5:2

Tymenekase matose Ritonõpo a typoenõ pyno oehtohkõme. Naeroro kaneru esã tokykõ pyno ehtoh sã Ritonõpo poetory pyno ehtoko. Yronymyryme toto pyno ehtoko, ỹme exiketõ samo. Mãsa rokẽ pyra toto pyno ehtoko, oerohtamitukõ apoitohme rokẽ pyra. Toto akorehmary se oexirykõke toto pyno ehtoko Ritonõpo omipona oehtohkõme.

Juize 17:11

Mame ỹme mokyro nuasemã kynexine, rewitame roropa ynororo. Mika maro toehse ynororo imũkurume sã eya.

Juize 17:9

— Oty poe moehno? tykase Mika eya, tõturupose. — Ywy ase rewita, Perẽ pono, Juta nonory põ pono. Osa zupĩko ase jesaryme ehtohme, tykase ynororo.

Juize 18:4

Ynara tykase ynororo eya xine: — Mika maro tõturuse ywy ipoetoryme jehtohme. Jepehmãko mana Ritonõpo poko oturuketyme jehtohme imaro.

1 Samueu 2:36

Morarame opoenõ akoĩpyry toto ẽpataka tosekumurukõ po porohnõko mã toto: ‘Tineru pitiko ekaroko, yna napyry pitiko roropa,’ ãko mã toto. ‘Ajohpãme sã yna erohtoh ekaroko Ritonõpo Tapyĩ tao, yna napyry epekahtohme rokehxo,’ ãko mã toto,” tykase urutono Eri a.